الشاعر - سليمان ابن شريم (درر)...........

[عوض بن خميس]

من اشعار - سليمان بن شريم

ان هذة القصيدة الرائعة التي أتمنى من كل من يقرأها أن يتمعن فيها فبها من الوعظ والحكمة من أجمل ما يقال ومن أجمل ما يحفظ وكان يوصي بها ولده عبدالعزيز :

يا مل عــينٍ في محــاجيرها شـــوك
والقلــب بـه عـــن لـذ ّة النـوم دكـاك


لا دك في قلـــبي من الهـــم داكـــوك
جاوبت طربــات الحمايـم على الراك


عزّي لحــالك يا عـــزيّز وأنا أبـــوك
كـان الزمــان اللي وطــانـي توطـّـاك


افهم وصـاتي يا عــزيّز وأنا أبــــوك
دامـك صـــغيـروغايـة العلـم يقـراك


تراه مــا ينفـــعك خــالك ولا أخـــوك
لا صـار مــاتقضـي لزومــك بيمنـاك


وربعـك ليا بـان الخــلل فـيك عــافوك
أقرب قـــريبٍ لـك مــن النـاس يشنـاك


إن كـثر مـالك صـــدقوا لك وطــاعوك
وإن قــل مـا بيديـك شـــانـت حـلايـاك


لو تطلب الما عـندهم كان مـا أســـقوك
ابعـد مــزارك عــن وطنهــم ومربـاك


وإن طاب حظـك صـدقوا لك وحــبوك
وإن بار كلـــن مـا يبــي غيـر فرقــاك


هراجـة المجلـــس إلـى جــيـت وروك
منــازل ٍ تطـــــرب نظــيـرك بدنيـــاك


وإلى قضـــى مــنك اللـــوازم وخلـوك
تفــرقوا وأنـت احتمــــل كـل مـا جـاك


كنك ســراج البــيت للــــنور شــــبّوك
وإلى انقـضى اللازم حدا الربـع طفاك


وإلاّ كـما ليمــونة الحمــض مصـــوك
وإلى قضى منهـا الطعــم فرغــوا ذاك


واللي يجــي من رفقته ريب وشــكوك
إحــذر عنه ليّـاك تصــدف بمســــراك


وإلى جـــفوك أهل الوطنوإستخــفوك
قلـّع غريســك منـه وإهـــدم ركايـــاك


تراك لو تـنجــع على الربع صـــعلوك
أحســــن من اللي تلتـجـي لـه وياطــاك


عطــهم وضــــيّفهم إلىمنــهم جـــوك
واغلــــق ضميـرك لا تعلــــم بقصيـاك


إن طــبت ما حبّوك وإن عــبت زالوك
تمضـــي حياتـــك ناقـــل ٍ داك بـــرداك


وإلى نفــوك إمـــن الوظيفـة وعافــوك
خفـّـــت موازينـــك وكلـــن تهقـــــواك


وإصــحى لخــلان الرخــا لو تغـــالوك
اعرف ترى أطيبهم إلى احتجت يجفاك


كنك خوي مقـيط دهـــووك وأغـــووك
وحقك عطـــاك رشــاك وأقفـى وخـلاك


وإحذر من العـــيلة ترى الحق مدروك
مـــثل العمــل يدركك مـــا منــه فكـــاك


وإن كان عدوانك علـى الضـيق حدوك
فاخصــم طلابتهـــم بعجــفـاك وقــــداك


وإن كانــهم لمشــرّف الحــق ماشـوك
ناظـر مطــاليـع الفــرج قبـــــل مبــداك


وإن طاوعوا شيطان الأنفـس وهانوك
فاصبر عـلى البلــوى ودفـــنك رزايـاك


زرهـــم تـــراك إليــــا تونـّــيت زاروك
إن مـا بديـت لصـاحــب السّـــو يبــداك


ما دامــهم ما طــاوعوا لك وعــــرفوك
إضرب على الكـايد إلى عمســت ارياك


لو هـذبوك إمـن المصـــاوب وضــدوك
مـا يذبحــونـك قبــــل تدنــي منــــايـاك


واحلم على الجاهل تـرى الحـلم مبروك
وقـم للضعيف اللي من الضــيم ينخــاك


وادمــح خطـا جــيران بيتك إلــى آذوك
ترى القصـير وحــرمة الجــار بحمــاك


عطـــهم لـوازم حقـــهم لـــو تناســـوك
فـي كـل مــايصلــح لــدينـك ودنـيـــاك


وقم للضيوف اللي لفـوا لك وضـــافوك
أغــلى كرامتهـم حـجـــاجـك وبشـــراك


واعرف ترى مالك للاضـياف مشـروك
لـولاهي طـــلب حاجــته مـــنك مـا جـاك


وقــم للرجـال إن رايعــوا لك وحـــبوك
واحشــم خـويك وأكرمــه عنـد ملفــاك


وإلى إعـتبرت بســيرة الناس كـــــفوك
ما كـثرمـن شــي أتعـــبـك ثـم عنــّـاك


ولــولا تبــــات به مّ دنيـــاك مضــنوك
ماطـاب لـك مـا دام لـك وافتـــهـم ذاك


لو يطـلبون إخفـايك الناس ما أخـــفوك
الرجـل مـثل النجــم فـي كـل الأفــــلاك


وصــلاة ربي عـدّ الأوراق والشــــوك
أو مـا ناض بــرَّاقٍ ومـــا هـل سفــــاك


عــلى الذي ما فيـهريـبٍ ولا شـكـــوك
امــحمــدٍ مـــا دك بـالقــــلـب دكــــــاك