ايه انثى لكن افضل من 800 رجل ** بنت ماترضى الغلط وابوي رجال ٍ كريم

[فاطمه الجعفري]

الانتماء الروحي للويلان هو حافز للاستمرار ، اتمنى ان انال رضاكم دوما

لايدب بخافقك ياصاحبي بعض الوجل = وانت رجل ٍ ماتعرف شلون اساليب الحريم
ايه انثى لكن افضل من 800 رجل = بنت ماترضى الغلط وابوي رجال ٍ كريم
أركد اركد لايصير بداخلك قلب ٍ عجل = لاتميل خطاك عن درب الصراط المستقيم
الرجل لاصار مابه لاحياء ولا خجل = مايعد إلا رجل مسكين والله العظيم
كل مادق بيميني حجل يزعل بي حجل = كفي اللي مرتوي من مية الوجه الحشيم
وانت لو انك تعد لجدك التاسع نجل = كان مااشوفك بوسط بحوري الظلما تهيم
لاتظن انك تبي تسجل خفوقي في سجل = ويصير اسمي مع هنادي وحصه وساره وريم
لايهوب صوب عقلي شاربك كانك رجل = وابتعد لا والله الا تجيك كلمه بالصميم

بقلم فاطمـه الجعفري