بسم الله الرحمن الرحيم
السلام عليكم ورحمة الله وبركاته
اقدم لكم هذه المتواضعه بعد غيبه وأتمنى أن تكون بمثابة اعتذار
وان تنال رضاكم
ولكم أجمل تحيه
سلام ياأجمل ميادين المحبه والغرام=ياللي لك القلب الوفي سلم مفاتيح الغلا
ياللي غرامك داخل الأعماق يهديك السلام=ويبلغك خالص تحيات الموده والولا
الحب جارف والمشاعر حركت موج الهيام=والمشكله بالموج لامنه على المركب علا
والحمد لله موجنا هادي ولا فيه احتدام=والجو صافي والسما غيمه تولا وانجلا
من راقب الله واحتسب يجزاه من بعد الصيام=واللي تمادا بالخطا بين الخلايق يبتلا
واللي عشق شقرا الجدايل في غرامه مايلام=لو يبتلا بدرب عوج يشوف غيره مبتلا
لو تنصحه دربك خطا يزعل ولا يقبل كلام=تقفي به دروب الجهاله عن طريق المعتلا
أعود لك ياأول احلامي ويامسك الختام=ياللي غرامك من ورى حدب المحاني مانجلا
تعالي بقربي نبي إنهيجن ولابه ملام=أو نلعب االدحه ونردد ياهلا بك ياهلا
أنا فدا هالضحكه وكثر الغنج والإبتسام=أنا فدا لعيونك النعاس ياريم الفلا
باسطرالأبيات باقلام المشاعر والهيام=وأكتب على قلبي بدمي ياحياتي يالغلا
وسلامتكم
22/02/09, (04:32 PM)
ميادين المحبه والغرام
العرض الشجري