احذر ترى الدنيا تغرك وتفتنك ؟

[نايف الجزاع]

اخواني واخواتي في شبكة ويلان
السلام عليكم ورحمة الله وبركاته


مصافحه اولى لذائقة اصحاب الذائقه

احذر ترى الدنيا تغرك وتفتنك=لأنها تلعب على كل موال
من لايعرفك يافتى مايثمنك=والهرج ماودك يكرر إذا انقال
وقت الفضاء ماهو مثل ساعة الظنك=ولكل ساعه فيه موقف ورجال
بعض الرجال اليا قضى حاجته منك=يصد عنك ويعتبر طيبك هبال
وبعض الرجال بوزن طيبك يثمنك=ويرد لك طيبك أذا حدك الجال
هذاك إذا جاك الخطا منه ياعنك=ماهي غريبه كل رجل ٍ له افعال
وهذا إذا جاك الخطا منه يغبنك=وتضيع في تحليل وضعه والاحوال
غني عني وأحمد الله غني عنك=وكل ٍ على دربه له آلام وأمال
مهما ضحكت دنياك في يوم تحزنك=لابد من حزن ٍ لو ان الفرح طال
يطعنك شخص ٍ ماتوقعت يطعنك=ويسعفك شخص ٍماطرا لك على بال
شفت الذهب لو صنعوا بالذهب تنك=يبقى ذهب غالي ولا ينقص ريال
والزنك مهما صار يبقى هو الزنك=لو أنصنع باحدث طرازات واشكال
يعني معادن صح معدنك معدنك=والمغترب لابد يرجع للأطلال
هي كم بيت إن شاء ربي تفطنك=يمكن لعل الله يصلح بها الحال