(( بـــكــى .. القـــصــيـد .. بــ مــكــتــبـي ..!! ))

[بدر الحنيف]

:::




أســــــــــــعــد الله أوقــاتــكــم .. بــ الــخـــيــر


هــذه المــتــواضــعــة .. الــى قــلــوبــكــم الـطــاهـــره ..

بكى الغرام وسيّل دموع القصيد بمكتبي = كل حرف يدعى ابجدي .. من ضيق لوعه بكّته
حرف ٍ يقوم ويقعد..وحرف ٍمن الضيق يحبي = والقلب لوعاته وزفرات المحاني ضكـته
بالفاتن اللي تستذير من الوصل مثل الضبي = منشانها حبك المشاعر بالقصيد وسبكته
قبل اتعشى قلبها .. تغدت بقلب الصبي =وقامت " تفرمت " ذاكرة فكري وترسم سكته
تغلغلت بين المحاني ..وسط قلب ٍمنصبي = دكــّت به الثـلـثـيـن .. وش ثـلـثـيـن .. كله دكــته
صارت عواطف قلبها من عاطفة قلبي .. Copy = كل ضلع في صدري مشاعرها الرقيقه .. حكته
بالخـّدر النعاس .. من راسي الى حد اركبي = لا ناظرت لي .. شفت حالي كيف تاضح لبكته
ترسل لها نظرات .. لا موجات .. تسبـيـنـي .. سبي = واعيش قيّد القشعريره .. وأتحرى فكته
واجمع مناعه .. ضد نظرتها ..واشّـدد منـكـبـي = وألــّم بعضي والدلع تغـز قلبي شوكته
لاعضت شفاها دلع .. كن التشنج بأعصبي = بلا صراع .. ولا نزاع .. الدم تـّـسـهـل سّـفكته
في ضمّت شفاها ربا .. من شاف وده .. يرتبي = بشفاتها .. (توفي عسل ) والخــد طبعا .. كعكته
عقب الجفا .. لا شفتها بأحساس شاعر .. شـرعـبـي = احكيلها ذنب الجفا .. وشلون كانت ربكته ؟!
وشلون يفتك بالمشاعر .. كنه الداء الوبي = الضيق يسند لظهره .. والهم .. كـنـّـه مركته
تقبل .. جليلة بكر .. وانطحها .. كليب التغلبي = فديت ضحكتها .. وحكيتها ..بـغــنــــج ٍ عكته
احيان اقول : ان الغرام اللي تملكنا غبي = واحيان يعجزني دهائه .. واصتدم في حنكته
اقول : في نفسي وراها .. ما تداري .. لـتعبي = للحين ؟! قلبي رغم نزفه بالغلا .. ما زكته
واثق بـحبي عندها .. وادري غلاها مركبي = لكن مصيبة قلبها .. ينبض بزايد شكته

/

/

أخير مره شفتها .. بالموقف الصعب الهبي = جابت .. صوّر لحفل ملكتها ..وقلبي ذكته
قعدت اقلبها .. وصحـّـت غيض .. فيني مختبي = وقامت تسولف لي ..طريقتها بلبـّـست شبكته
وأنا بوجهي بسمة ٍ صفرى .. وناري بأحطبي = وتقووول : حــط ايده على " كتفي " .. بـلـيـلـة ملكته
احييييييييييه .. يا قلبي من العشق الشقيق الأجنبي = كــن الرضــى .. ضــد الزعل .. بالقلب .. واعلن .. عركته
هستريا .. صدمة مشاعر .. والكره في ملعبي = والبعد .. توجع فركته .. والقرب .. توجع فركته
قلبي يبي .. وعيون عقلي بعد ما شافت .. تبي = وهــّي .. تبي .. تبي .. تبي .. والشوق .. بانت لكته
بكى القصيد .. ســيـّــل دموع الغرام .. بـمكتبي = والقلب لوعاته و زفرات المحاني ضكته

أحـــــتــــرامـــي للـــجـــمـــيــع





،،