اخــــر ســــــــــوال؟؟؟ - °~*¤®§(§ شبـــكة ويــلان العـربـيـه §)§®¤*~ˆ°

**طلال الايداء** · 02/02/09, (04:42 AM)

بسالك اخر سوال وش بقالي من غلاي = كان باقي لي غلا شي ودي تسمعه
تذكري لامن زعلت تبكي تدور رضاي = خايف" لامن زعلت دربك انسى مرجعه
وتذكري يوم كنتي هايمه كلك معاي = كان كلك لاسمعني ينسى اخر موجعه
وتذكري اكبر طموحك انك تكوني سماي = وكل شي" في حياتك غير حبي تنزعه
حتى اسمك لانطقته تسمعه نغمه بشفاي = وكان عادي لاصحيتي وبعضك اصلا" مومعه
كنت انا مجمل حياتك بل حياتك هي هواي = كنت اعلمك الغرام وكيف بيدك تزرعه
كنت عايش بي معك وكنت تسري في دماي = كان كلي لاتضايق ضايق" كلك معه
وتذكري لامن ولهتي وجابك الشوق لمساي = ينكسر اقصى غرورك في غنوج" مروعه
ثم يسولف لك قصيد" كيف راسمك بحشاي = كيف حبك انتثربيو ازرى كلي يجمعه
كيف مادري بعد هذا وش تبدل في هواي = حبك اللي لي عطيته وين روح ماسرعه
باتصبر واتنسى واحمل جروحي معاي = دامك انتي من جرحتي سهل قلبي اقنعه
مايزيد الهم فيني وجمرته تشعل عناي = الا من شي" قديم" لاطرى واسترجعه
ماخسرت الا كسبت اصدق اخلاصي ووفاي = يكفي يوم اني عشقتك ماتلبست اقنعه
لاتخافي لو سالتك تعتقد بطلب بقاي = لو لوصلك باقي" بي شي واحد لقطعه