دعوة لوجبة شعرية .. على مائدة متعب التركي

[خلف الغريب]

الشاعر متعب التركي

شاعر استطاع بجداره طرق قلوب الناس وتوصيل همس الحروف الى كل متذوقي الشعر .
متعب أبدع في سلاسة الأسلوب ووضوح المغزى وانتقاء الكلمات .
شاعر تناقلت وسائل الإعلام قصائده فحفظ الناس أبياته عن ظهر قلب...
لأنها صادقه - مؤلمه - نقيه - واضحة - مترجمه لمعاناتهم - باختصار شديد لانها نابعة من القلب .
في الآونة الاخيره ابتعد متعب عن الساحة الشعرية بكل ما فيها إلى طريق نتمنى له فيه الثبات والاستمرار.
متعب التركي شاعر لم يلاحق فلاشات الصحافة في مسيرته الشعرية

ولم يكتب قصائده لهدف النشـــر بل لترجمة الأحـــاسيس والمشاعر

متعب معلم التربية السلامية الآن في حفر الباطن.

ولا يسعني هنا بصفتي احد متابعي هذا الشاعر واحد جمهوره

الا أن أقول الله يسعدك في دنياك وآخرتك.

فقد أبدعت يا متعب بكل ما تحمله الكلمة في قصائدك

والتي وصلتنا مدوية - ملتهبة - نازفه - جميله ورائعة أيضا

إستطاع هذا الشـاعر أن يجتاح الكثير والكثير..من قلووب العشــاااق..

وكم من شاعر..يقرأ له وكم من شخص يتعلم منه الدماثة وحســن الخلق..بغض النظر عن قصائـِـده...
فكم ملك الكثير من المحبيـن...أثنــاء مزاولته للشعــر الوجداني ...


وقــد اهتز ركن من أركــان الســاحة الشعرية..بعــد اعتزاله القصــائد..والأمسيات..
وقـد ترك اعتزاله أثرا..واضحاً بيــن ســائر الفئــات من المتذوقيــن..ولم يعلقوا سوى بالصمت!!
إنـــه الشــــــــاعــر....(مــتعب بن تـركي المطيــري)
او كما عرف بــِ (مـتــعــــب التــــركي)...

هنا اترككم مع هذه الورود الزكية من بستان متعب ..

نــــســـــيـــتـــــني

نسيتني علمني اشلون ابنساك= في هالزمن نسيان الاحباب عادي
وشلون لامرت على البال ذكراك= وطيفك سرق مني لذيذ الرقادي
وشلون لا قالوا لي الناس وش جاك= من كنت في لذة منامك تنادي؟!!
وشلون اعيش اللي بقالي بلياك= لا من غدينا كل واحد.. بوادي
لو قلت اداوي جرحي اللي تباطاك= ماكل جرح يفيد فيه...الضمادي
اعلنت حبك لين كلٍ تمناك= غلطه وغيري من خطاي استفادي
لو لي مثل قلبك تمنيت فرقاك= واكيد قبلك بالجفا صرت بادي
حلوه عذاريبك وحلوه..مزاياك= حتى بيوم فراقنا.. كنت هادي
كن الليالي ودها تكسب رضاك= وأنا يطول مع الليالي .. جهادي
في ذمتي.. ماهي غريبة خطاياك= مبطي وقلبك لو تنبهت.. غادي
سهله على من كان مثلك وشرواك= مثل الثياب.. يغيرون .. المبادي
علمني اكره..ذكرياتك..وطرياك= وانسى من الليلة.. صدوق الودادي
ولاني بقايل عقبها ..وين ابا القاك= راضي لو ان جروح قلبي .. جدادي
ولاّ القصايد.. جعلها من فداياك= لبستها.. مبطي ثياب ..الحدادي
باكر على المخطي يدورنّ الافلاك= ونشوف.. من يصعب عليه البعادي

هذا حصاد السنين

ما قلت لي شي؟ وش خليت ما قلته= اسكت.. وخل الكلام لجرحي الدامى
لو غيرك اللي يسولف ماتحمّلته= لكن على شان عينك هانت ألامى
للحب مفهوم عمرك ماتخيلته= ماأظن يستوعبه تفكيرك السامى
هذا الفراق الطويل وهذي أسئلته= هذا حصاد السنين وهذي أيامى
ياما وياما عليك البال طولته= والعمر عدى وأنا عايش على أوهامي
حتى طريق الفراق اللي تساهلته= لقيته أصعب على نفسي من أقدامى
اصبر لي شوي لو دمي تثاقلته= بحاول أستوعب اللي صار قدامي
الحب ضحكة بعينك بس ماطلته= ك بهالكون شفت أبسط من احلامي!
القلب لو ماخفق لك كان ماشلته= لو ما انت ملهم قصيدي جفت أقلامي
هذا قصيدي بعينك لو تجاهلته= زف على شأن يروي قلبك الضامى
العام طاري غيابك ماتقبلته= اليوم حرماني أصبح مصدر إلهامى
لاتعتذر لي وابنسى كل ماقلته= وش ينفع العذر لامن ضاعت أيامى؟

يا سعود لا تنشد

يا سعود لا تنشد ترى ما ني مجيب= خل الذي خافي له شهور.. خافي
إن شفتني مغتاظ.. لي حق و مصيب= يا سعود مزعلني جديد اكتشافي
الغالي اللي كان من قلبي قريب= بيني و بينه.. صار مثل التجافي
إن قلت زله.. مثلنا زلته عيب= من قال لك شمس الضحى ما تشافي
إن قلت هقوه.. يمكن تصيب و تخيب= كم لي سنه .. ما شفت فيه اختلافي
و إن صار في نفسه بعض شكة و ريب= حتى البحر ما هو على طول صافي
صرنا من الصده .. سوات المصاويب= كلن نقل جرحه و قال: امتعافي
أصعب فراق.. فراق عكف الأشانيب= ما هو مفارق لابسات الغدافي
و الذيب لا منه عوى.. جاوبه ذيب= و العلم حامض.. بس وين الأشافي؟
دامه لقى له غير قلبي معازيب= الله يسمح درب هاك السنافي
يروح.. لا يرجي رسول و مكاتيب=هو خابر إني.. ما اتلفت خلافي
واللي تعلى فوق روس المراقيب= أكيد ما تسقى عليه السوافي
رح بشر اللي شال شلفا تريحيب= قل له: تراها كلبوها عوافي
اليوم نفسي طابت.. و باكر يطيب= جرحي.. لو انه من يدين المشافي
خلصت.. و الدنيا دروس و تجاريب= سجل يا بو عبدالعزيز اعترافي

لا تنشغل فيني ..

لا تنشغل فيني.. أنـا بحالـي أدرى= قلبٍ تعلَّق فيك ينسـى مـع الوقـت
أكثر من اللي صار لي ويش يجـرى=بين الرجا واليـاس شفنـي تعلقـت
مثلي.. ولو شفته عن همومـه أزرى=ما قال ليتـك فـي جروحـه ترفقـت
هاك القصايد لا تضايقـت.. وإقـرا=شف وش كثر فيها لبسماتك إشتقـت؟
أثر الوفا ينبـاع عنـدك ويشـرى!!=ما كنت أصدق فيك.. واليوم صدقت!
يا مشتهي فرقـا المواليـف حـذرى=تبعد وأنا من سكرة الحب مـا فقـت
لا طافت الفرصه.. تحريت الاخـرى=وتروح! مـا كنـي عليهـا تشوقـت
ساري لو إن الليل مـا فيـه قمـرى=أشيل من حمل الهوى فوق ما طقـت
لا صار حظ أقشر.. والأيـام قشـرى=ما فيه أحد عاقل يلومك إليا ضقـت!
صحيح بعض الناس فرقـاه بشـرى=وبعض البشر لا غاب ليله تضايقت!!
ليتك خذيت بليـل الأحبـاب مسـرى=غربت من كثر الطـواري وشرّقـت
السيل يبقاله علـى القـاع مجـرى=ويبقا لك التذكـار لـو كنـت فارقـت
أشوف لك من وين ما رحت ذكـرى=ولا شفتها صديـت عنهـا ودنقـت
ما كل جـرحٍ لا خـذا أيـام يبـرى=بعض الجروح يزيد شره مع الوقت!!!

غلطااااااان

حسي بلوعات الليالـي والاحـزان= بعديـن حسـي بالهـوى لا بغيتـي
وش به يهمك لو يقولـون زعـلان=لو فيك ذره مـن الغـلا ماجفيتـي
يالي تقولين الخطـأ زلـة لسـان=في زحمـة الايـام ليـه اختفيتـي
خطاي وان جا مدري الذنب وش كان=ليـه انتهـى ذاك الغـلا وانتهيتـي
وقفت في وجه الزمن قدر الامكـان=وانتي جنح فيـك الخيـال وغفيتـي
غلطان انا في كل الاحوال غلطـان=اسرجت لك خيـل القصيـد وسريتـي
جيتي وقلت الجرح يوم اقبلت هـان=وانتي على الجرح القديـم ارتكيتـي
قلتي لي ان الحـب لابـد ينصـان=واليـوم ما كنـك دقايـق هويـتـي
شافوك حساد الهوى شوف الاعيان=يومك على رجم القصيـده رقيتـي
ما بان شي ولا بقا شي مـا بـان=بس انتي اللي غافلـه مـا دريتـي
العام لك طاري بقلبي ولـك شـان=واليوم احـس بغلطتـي لا طريتـي
وان قدر المولى وعشتي بحرمـان=ومن حر لوعـات التجافـي بكيتـي
تذكري قلـبٍ لـه سنيـن شفقـان=شوفي بحقـه ياكثـر مـا خطيتـي
كل القصيد اللي اقوله علـى شـان=تهزك الذكرى عقب مـا نسيتـي!!!

المــوت هــيــن

الموت هيِّن والبلا وش ورا المـوت= عند الحساب .. يهون سهم المنايـا
باكر نموت و تصبح قبورنا بيـوت= وعقب القصور بضيقـات الزوايـا
في جوف الارض وكل من حولك سكوت= و تعاقبـن بالقبـر عـوج الحنايـا
يارب يا منجي نبيـك مـن الحـوت= سترك وعفوك يوم كشـف الخفايـا
باكر ليا جينا على داعـي الصـوت= شيبان واطفـال وشبـاب وصبايـا
ندعي وحنَّا بيـن باكـي ومبهـوت= ورحنـا لهـا ننقـاد مثـل السبايـا
يا رب تهديني قبـل لحظـه الفـوت= وتغفر ذنوبـي يـا كريـم العطايـا
واشكيك همٍ داخل الصـدر مكبـوت= وأيَّامـي اللـي بالخطايـا مـلايـا
إن لاذ بك من كان طايع و مبخـوت= في مـن يلـوذ المرتكـب للخطايـا
يا رب يا قادر علـى كـل طاغـوت= لا ياقف اللـي وحّـدوا بـك خزايـا
رحماك لا منّا صحينا مـن المـوت= واليـا وقفنـا عنـد بابـك عرايـا

مشكور

مشكور يا بايع مشاعرك مشكـور=العام ذنب وهالسنه ذنـب ثانـي
وش عاد اقول ولا بقى شي مستور=ما طعتني يوم ابتسـم لـي زمانـي
لا تعتذر لو خاطري منك مكسور=لا تفتكرنـي دام قلبـك نسانـي
لا لا تقول ان الليالـي لهـا دور=شف من هو اللي كان فينا أنانـي
مدري تصنعت الغلا زور فـي زور=مدري انا اللي حيل كنت متفانـي
مثل العما ما تنفعه طلعـة النـور=النور بعيـون العمـا مـا يبانـي
عندي خبر لو جاك من يمي قصور=لأقول انا مخطـي وربـي جزانـي
لو شفتني قاسي عليك انت معذور=شفني من أول جرح لا زلت أعاني
انا بشر مثلك لي احساس وشعور=واغتاظ لا مس الكـلام بكيانـي
حتى وانا في قمة الغيـظ مقهـور=بعض الحكي عيـا يقولـه لسانـي
ابقولها لو قلت لي صابك غـرور=ما فيه احد ياخذ بقلبـك مكانـي
العام قلبي فيـك هايـم ومجبـور=العام لا منـي جفيتـك عصانـي
واليوم حبك في حنايـاه مقبـور=لو ما دعيتـه للمفـارق دعانـي
ذاك الهوى ما عاد لك فيه مقـدور=ابعد من ايام الرشـي والسوانـي
ما دمت راضي عن عذابي ومسرور=ملعون ابو قلب ٍ عليـك يحدانـي