دامني حي عطني ..

[جبار بن عابر]

لا يطول غيابك ثم اخذ عليه

لو تخليت عني عنك قلبي تخلى

العذر والتعلل والحكي ما نبيه

من تحرك فواده بالهوى ما تغلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقى نحتريه

ما بي دموعك اللي عقب موتي تهلا

ما بقى بالعمر مقدار ما راح فيه

كل ما زل يـوم يوم بالعـمر ولى

ما يعرف الجمر مثل الذي يكتويه

احد يدفا بناره واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى مهتويه

لين طاح بيمينك بالغرام وتجلى



هذه الكلمات لسمو الامير خالد الفيصل
تغنى بها وبابداع محمد عبده ,,,
عندما اسمعها اجد كانها قيلت بلساني من كثر ما احبها ,,,,
كلام راقي في موضوعه
لحن منتهى الروعه
ارجو قبولها ..... مع صادق الودللجميع