ياقلب ويـن اللـي تعـزه وتغليـه

[الخاطر]

المشاركة الأصلية كتبت بواسطة فرحان الفدعاني

اعزائي كل عام وانتم باالف خير اليكم الجديد وعساه يروق لكم

ياقلب ويـن اللـي تعـزه وتغليـه=ومن دون كل النـاس دايـم تـوده
يامانهيتـك عنـه وتقول انا ابيـه=لاقلـت هـده قلـت مااقـدر اهـده
اليوم بـان اللـي يكنـه ويخفيـه=شوف الحقيقه بان مزحـه وجـده
اللي خدعك ارجوك مابيـك تطريـه=نصـاب والنصـاب لازم تـصـده
ياقلب مانـي لعبتـن بيـن اياديـه=شطب عليه وكـل الابـواب سـده
من باعنـا ياقلـب ماعـاد نبغيـه=وكـان مفتـاح السعـاده بـيـده
في هاالزمن مافيه واحـد تصافيـه=ماعـاد باقـي حـب ولا مــوده
عذبتنـي ياقلـب ماتفتهـم لـيـه=كل شخص يضحك معك صاحب تعده
تـراك مزعجنـي بطيبتـك ياهيـه=واتعبت رجلي معـك روحـه ورده
اسمـع كلامـي ولاتزيد المشاريـه=وتبـدا تناقـز بيـن مـده ومـده
اذا لقيـت انسـان تقدر تثـق فيـه=انـا اطلبـك واقـول لـك لاتهـده

فرحان الفدعاني / بتاريخ /21/8/1429/

الشاعر فرحان الفدعاني.
كل عام وانت بخير.
نص جميل ومميز وجزل من شاعر جزل ومميز.
جميل كل مافي هذا النص وجميله هذه الاوامر التي امرت قلبك بها.
دمت بكل الخير وتقبل مروري.
اخوك محمد العنزي