لاتنهّض وأنتهض شيخ قومٍ له مقام؟

[عيادة العلي]

بسم الله الرحمن الرحيم

اعضاء ومشرفي "شبكة ويلان"

السلام عليكم ورحمة الله وبركاته
اولاً.. عذرا عن الغياب.. ويشرفني ان اشارككم بهذه القصيدة
وارجو ان ترقى الى اذواقكم وتنال استحسانكم.شاكرا لكم ماتقدمون من جهود
ومتمنياً للجميع التوفيق.

بادياً بمكوّن الحَب في رؤس اسبله=مبصر السوداء على الحيد الاسود بالظلام
الكريم معيد للقاع من بعد امحله=العظيم المعتلي والمهيمن والسلام
جل خلاقٍ نهاره عن الليل اعزله=جل من سيّر جميع الكواكب في نظام
الله اللي موجد الخلق والرزق اكفله=نامت عيون الخلائق وعينه ماتنام
والله ان الشعر وقته الياحضروا هله=والرجال اهل المروة اتميّز بالكلام
قال منهو يشرح البال قافه لافتله=يعطي الشعر احترامه وجل الاهتمام
متعبٍ في درب الامجاد رجله وجمله=مرتفع عن كل واطي يدينه بالسنام
راكب اللي تطوي البعد دورات اعجله=المسافه ماتضيمه لاوجّه واستقام
أبيضٍ فكسار ربله تقل رؤس ازوله=منوة اللي كل من له مع البيداء مرام
مركبه هو مركبه بجهده والاّ امهله= غاية اللي له رصيده ولاعنده دوام
يطرد من الرأس همه وعمسه وأكسله=هو خويٍ عادته لايلوم ولايلام
ينتهض عن عثعث الأرض لاحط ادبله=لاتنهّض وأنتهض شيخ قومٍ له مقام
شيخ قومٍ محتدي واصلاً حد ازعله= جاه فزاع البلا قوم قفوا بالجهام
كنه اللي ساد قومه بعصره وأجهله=آخذاً حق القبيله وحقه ما ايضام
انت يالفكسار هذا الزمان انت ابطله=لو امزاين للمواتر تفوز بكل عام
أمتساون عندك البر طعسه واجبله=والفخامه من مقفاك لاحد الزمام
فوقك ادهل موقعٍ صادق الغيث ادهله=فيه لاهل القنص متعه وبسطه وأنسجام
موقعٍ راع الدبش ماوطاه ولا انزله= مايجيه الا أجمل الصيد وأسراب الحمام
آصله يوم الردي مات حضه ما اوصله=في شواميخٍ تمزع من اعلاها الغمام
أشهد ان البر شمة نسيمه وأنفله=عندي أفضل من قصوراً تزيّن بالرخام
وطاب مسعى كل عبدٍ له بربه صله= مامشى درب الرداء ولامشى درب الحرام