شيخ براس المجد له برج عالي

[أمير بكلمتي]

قصيدة لشاعر قبائل العبادل
الشاعر/يحي بن جابر اللغبي العبدلي
يمدح فيها الشيخ عقلا بن علي السميان الفدعاني العنزي أضغط هنا



الشاعر/يحي بن جابر اللغبي العبدلي

سلام ياشيخ لك الخصم ينصاع=شيخ براس المجد له برج عالي
يعانق اسهيل اليماني من القاع=ملجاء لمن جارت عليه الليالي
الشيخ عقلا وافي الشبر والباع=لمنزلك تاوي جميع الجوالي
عز الله إن اللي بينصاك ماضاع=عيث الاجانب سلسبيل الاهالي
ربعك عنزه عزوتك زند وذراع=كأنهم من خرج بني هلالي
علوم إبن فدعان في كل مذياع=علوم تصدر من ثقات الرجالي
زواع للحمل الذي صعب ينزاع=ياقف لكل المعضلات الثقالي
صاعك يقع في صاع غيرك مئة صاع=يسلم لي الراس الذي ماينالي
عملاق متسلطن على كل الاوضاع=دايم وابو متعب مروق وسالي
يدمل على صكات بقعي ولوجاع=يصبر كصبر معفعفات الجمالي
إذا ظهر له نور وهاج وشعاع=مراجله يرخص لها كل غالي
مقلطه فيه اكل من كل الانواع=ومجلسه فيه النجروالدلالي
وقهوته غير اللي في السوق تنباع=بنه مخصص من روس الجبالي
ينعش الكسلان واللي به صداع=قهوة شرح فنجالها كل بالي
من النشامى له على الجمر صناع=في منتدى مافيه قيلت وقالي
مجلس شيوخ أبطال وخشومها ارفاع=تستقبل اصحاب السمو المعالي
عـقـلا علم بـارز ولـلـنـاس نـفـاع=اثبت وجوده في السنين الخوالي
كرم اصيل ماهو بديكور وقناع=موروث من منشاه جد وخوالي
ولو مدحته كل ماهب ذعذاع=شعري عجز عن شرح كل الخصالي
كله مكارم اسم مع جسم وطباع=من مدعس الخفيفين حتى العقالي