قصة وقصيدة الوفاء والمرؤه

[هندي المقبل]

اعضاء وزوار شبكة ويلان العربيه الكرام

يسعدني ان انقل لكم هذه القصيده وقصتها تقديرا واكراما لمن فعل الطيب رحمه الله

هذه القصيده للوالد : مقبل عوض العنزي حفظه الله

ومناسبة هذه القصيده هي :

يوجد للوالد مزرعه في منطقة حائل وفي بعض الاحيان يكون الوالد بعيدا عنها وربما غاب عنها لفتره وفي سنه ليست ببعيده قبل حوالي خمس سنوات او اقل . تعطلت الماكينه التي تضخ الماء للمزرعه وكان المرحوم له بأذن الله نزال بن شويقي العنزي قريبا من مزرعة الوالد فعلم ان ماكينة المزرعه متعطله فقام بإحضار ماكينه من عنده وقام بتركيبها في مزرعة الوالد , والوالد لم يعلم بذلك .

وحينما اتي الوالد الي المزرعه وعلم بذلك ذهب له وقدم له الشكر وعندما أراد ان يدفع قيمه الماكينه له حلف بالطلاق انه لن يأخذ ريال واحد .وان هذه الماكينه هديه لا يعقبها اي مقابل.

وهذا الامر غير مستغرب على نزال شويقي رحمه الله فقد كان معروفا بالطيب والكرم والنخوه منذ ايام شبابه

رحمه الله واسكنه فسيح جناته

فقال الوالد : مقبل عوض العنزي هذه القصيده شكرا لنزال شويقي العنزي

ياطير يامغرد على نايف الجال=بلغ سلامي والشكر لبو ممدوح
راع الجمايل طيب الجد والخال=الطيب له من وال الاقدار ممنوح
ترفع له البيضاء على راس ماطال=يمشي بدرب الطيب لوكله انطوح
الطيب صعب ولافعله كل رجال=عنه الردي في كل الاوقات مكبوح
غير الذي فعله مثل فعل نزال=الطيب من فعله موضح ومشروح
نزال كل الطيب قوله والافعال=ماعدّ في ماضيه هفوات واسنوح
بيته امشرع للرجاجيل مدهال=دائم وبابه كل الاوقات مفتوح
ياجيت قدم لك من البن فنجال=وبعد السلام الكبش للضيف مذبوح
في مجلسٍ معمور يطرب له البال=وبالٍ وسيع وكل الاوقات مشروح
بالطيب يعطي ماحسب زائد المال=أوقت اللوازم باللقاء يرخص الروح
عطى المكينه ماقبض بعدها اريال=حلف يمين اللي له الطيب ممنوح
في وقفتك يالليث نفخر ونختال=والمدح باللي مثلكم ماهو مجروح
يفداك عفناً دوم للهرج نقال=وبالمال وقت اللازمه دوم مشفوح
ان حل ذكرك قيل والنعم بالحال=عز الصديق وللعدو سم ذرنوح
من ساس قومٍ فعلهم مابه اجدال=تاريخهم معروف للكل بوضوح
باللي مضى والناس نازل ورحال=مع ابلهم لهم معازيب واسروح
يما أقهروا من دونها عائلٍ عال=وكم من شجاعٍ دونها طاح مذبوح
بسيوفهم من فوق زينات الازوال=بنوا لهم بالمجد تاريخ واصروح
والطيب لأهل الطيب ماضي ولازال=وكلٍ يلاقي مانكتب له على اللوح
ومن يفعل المعروف في ولد الانذال=يضيع ماحصل من النذل مصلوح
وان صار بأهل الطيب يجزى بالأمثال=وراع الرديه لوكمى يوم مفضوح
وكلٍ ترى فعله مع الناس ينقال=نسمع بفعل اللي مضوا من عصر نوح
وبالأخره ماينفعك غير الاعمال=يبقى العمل وحده مرافق مع الروح
مار اطلب المعبود علام الآجال=تبقى بخير وعنك كل العناء يروح
وانت الفهيم وفاهم بكل الاحوال=أرجوا الياقصرت تقول مسموح
تستاهل التمجيد في زين الامثال=لوكنت من غيري من الناس ممدوح
وصلاة ربي عدّ ماهلّ همال=على نبياً بيّن الحق بوضوح