بسم الله الرحمن الرحيم
لاصرت بايعني توكل على الله
سو اللي براسك ولا تذكراسباب
لا صرت بايعني توكل على الله
ما بيني وبينك مشاريه وعتاب
شف دربك اللي جيت منه تدله
ما راح تغلبني لو الحب غلاب
من حضرتك عشان قلبي تذله
في ذمتي لجعلك عبره للاحباب
لين الخليل يتوب عن جرح خله
زلاتك اللي مانفع فيهن احساب
لا جيت أعددهن ثمانين زله
أحرجتني بين القرايب والاحباب
كن الجفا سيفن بوجهي تسله
ما كنت أقصر فيك من كثرالاعجاب
يومك تساوي عندي الكون كله
كنت القريب وكلهم صاروا اغراب
حتى القمر لا غاب شفتك محله
خلاص لا ترجع ترى خاطري طاب
ما أبي الطاري اللي كنت عايش بظله
رح أعتبرني واحد أذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله
عطا الله فرحان
23/08/08, (01:28 PM)
لاصرت بايعني توكل على الله
العرض الشجري