مثل الصنم حوله تجمع عبيده

[مسعد النافل]

السلام عليكم ورحمة الله وبركاته
الاخوان الكرام و الاعزاء
اعضاء منتدى ويلان اتمنى ان تنال هذه الابيات على رضاكم واعجابكم

توارد افكاري من الجال للجال = كالموج في وجه الصخور العنيده
صممت لي في وادي الشعر تمثال =يرسل من المعنى تجاره جديده
ماكنه الا من على الجاش مرسال =موظف(ن) لجل البيوت الفريده
لمن طرقته افزلي منه موال = فزة عديمٍ شاف با الجو صيده
والا القديم من المعاني والامثال = مثل الصنم حوله تجمع عبيده
مابه مضره والمنافع به محال =عن الحكي تكفيك صفحة جريده
بيت(ن )يسطر له مع الوقت منزال =يبقى مع الايام كلن يشيده
يسوى من الي قيل ومن مابعد قال = كنه على المسجون مفتاح قيده
وش يفرق الشحاذ عن راعي المال =والسيد مايقوى على حكم سيده
ماجيت اقلد لبسة شماغ وعقال=وتصفيق طايش مافهم وش اريده
مامقصدي تمثيل وعناد وهبال =وتركيب جمله با القواعد مفيده
شاعر ولي با الشعر مغزا ومنوال=من قدح فكري ماستعرت الوقيده
يسلى به الراضي ويقنع به الضال = ويقاف بوجه اللي بلاني بكيده
امدح به الي من على الطيب عمال=الصاحب اللي لنخيته وليده
لصكت همومي قبل لا اشكي الحال= يحذف علي صراف كامل رصيده
يقاف معي واقاف معه مابها اجدال =وقفة عقيدٍ قام ينخى عضيده
والا الردي ماله معي أي مدخال = لو كان من ادنى سراد البديده
بيني وبينه صارفاٍ وجهة البال = الله من الدنيا سريعن يبيده
لعاد مابيتك اللاحرار مدهال = ماظنتي لمت قالوا فقيده
دنياك ما دامت على قفاي واقبال = نوب حزن واحيان ياهي سعيده
تقلب الدنيا على حال من حال =مثل الفصول الاربعه مستعيده
احدن ترك قدره على ماكر العال = واحدن ترك قدره معيبة حفيده

وسلامة الجميع