الحزن طرقـي والحنايـا معازيـب

[الصقار]

السلام عليكم ورحمة الله وبركاته
وجدت هذه القصيده الجميله ولاكني لم اعرف قائلها ,,واتمنى ان اجد من يفيدني عنه


الحزن طرقـي والحنايـا معازيـب
لفـى ولكـن الهنـوف مخطـوبـه
اللي لها بيـن الضلـوع المحاديـب
قلبٍ صدق وسط الحيـاة الكذووبـه
راحت على طرق العطا والمواجيب
أقفت وهي بنت الحـلال مغصوبـه
والذيب ما يقلط على فضلـة الذيـبْ
والجرح مايبرى ولـو حاولـوا بـه
يا"نوف" ،، لو هي بالظفر والمكاسيبْ
ما خاب ظن اللي بفعلـي هقـو بـه
لكنهـا قـل وحمـاقـه وأكـاذيـب
ثلاث لاجـنّ الرجـل عذربـو بـه
مدّن لي الفرقا وأنـا اود وآجيـب
عيـنٍ تضـمّ الغاليـه واللعـوبـه
يا الله يارب السمـا عالـم الغيـب
تستر على عبـدك خطـاه وعيوبـه
لاصرت أحب ولا تجينـي مكاتيـب
وجسمي نحيل وضايـق فيـه ثوبـه
يا وجد حاآالي وجد سالم على كليب
وجد الّذي كلّ العـرب هبلـوا بـه
لاهيب قصة حب صارت ولاهيـب
نهايـة العاشـق وقـمّـة عيـوبـه
لكنهـا خبـث وحماقـه وأكاذيـب
ثلاث لاجنّ الرجـل عذربـوا بـه