خمسة سنين وحول سادس غلاقه=على وشك كنّي بمرمى تفافيق
طعم العسل بالكبد مرٍ مذاقه=من هاجسٍ يلعب بكل المعاليق
يلعب بها لعب الوغد بالتفاقه=يا ابن فضي ماكن حولي مخاليق
بلاش ندخل بالعلوم الدقاقه=دنيا الفنا هذي حظوظ وتوافيق
وأنا صديق اللي يعرف الصداقه=عليّ للطّيب عهود ومواثيق
بيني وبينك ياعزيزي علاقه=أقدم من التاريخ وأكبر من طويق
وأنا المنافق ما شغلني نفاقه=حتى إيش لو رقق لي الهرج ترقيق
فرقاه عيد وعيد قلبي فراقه=ما ننخدع حنّا بكثر الزباريق
بيني وبينه لو يحطون طاقه= غلّقتها يا صاحب العرف تغليق
هذا ومثله ما بحيله لياقه=ماله نصيب مع الرجال المطاليق
مخّه عجين وخافقه قلب ناقه=ودّك تسوّي له بالاسواق تسويق
وأحيان لاداعي لبعض اللباقه=وأكثر من اللي قلت مافيه تعليق
26/07/08, (06:29 PM)
هذه القصيدة مع التحيّه إلى الأخ عبدالله الثابت
العرض الشجري