مصافحة اولى لقلوبكم الطاهرة ...(لاجا مجال الفخر)...

[جمال اللميع]

لاجا مجال الفخر عديت قايل = جمعت مجد ٍ افتخر به واماري
لاني سعودي من صناديد وايل = ما للردى في سيرتي أي طاري
ماهو قصور ٍ في جميع القبايل = ولاهي قصور ٍ في جميع الدياري
لكن ّ لي مبدا وعندي مثايل =فرايد ٍ يندى لها كل قاري
ربعي من خيار العرب والحمايل =وايل ربيعة نرجع ليا نزاري
داري ديار المجد والراس طايل = دار السعود مجددين المساري
اقصى شرورة لين عرعر وحايل =واقصى يمين الدار واقصى يساري
دار ٍ تعز الدين قول وفعايل =ماهي تعزة بالحكي والهذاري
خدّام بيت الله وهذه دلايل =وايضا كتاب الله تزيدة وقاري
محد ٍ بينكر فضلها والجمايل =تطبع وتنشر ماتحسب المصاري
حنا ذرى الاسلام والشك زايل =حنا حماة الدين من كل طاري
ناظر علمنا يافتى ويش شايل =السيف والتوحيد رمز و شعاري
الراس شامخ بس ! لله مايل =الله وغيره ماله أي اعتباري
الله احد الله احد لا تسايل =ومحمد اللي جالنا بالنذاري
دستورنا القران والله قايل = والسنة اللي في صحيح البخاري