$$$$$ البحر هايج$$$$$

[حمد الوايلي]

البحر هايج وعيا لايرسيني=في غبته ضعت والامواج هيجانه
النجم غايب ومالي من يقديني=غير الله اللي يدير الكون سبحانه
اصيح بالصوت لكن من يلبيني=لقيت نفسي ودوم النفس حيرانه
أعيش وحدي ولكن ساكنه فيني=محبوبتي من ملاك الطهر انسانه
تحب قربي ودايم ماتخليني= والقلب يعشق وعشقه هز وجدانه
مهما اعبر بشعري مايكفيتي=مايكفي الشعر لو سطر بديوانه
احساس شوقي تبدد في شراييني=والشوق واضح ولا يحتاج برهانه
في كل حاجه تشاركني وتعنيني=متريحه وسط قلبي صار مسكانه
ان جت بعيني تزود وتتسع عيني= وان جت بقلبي توسع كل شريانه
تطري عليه وتنعشني وتحييني=والعين تبقى مع الاطياف سهرانه
من غيرها ياجماعه وش يسليني=اكيد روحي على الاحباب ولهانه
اشتاق والهف عليها هي منى عيني=ولصوتها اطرب وبه نغمات رنانه
اما تريح قليبي او تشقيني= هي كيفها القلب ملعبها وميدانه
تملك غلايه وهي سيد المزاييني= ماهي تشابه لحسن وزين لفلانه
في داخلي نارشوق ومن يطفيني=مادام شوقي لها يزداد بركانه
كم قلت انا ياحياتي لا تخافيني=الحب وافي ودعمه بني سيسانه
وان كان قصرت بالله لاتلوميني=روحي تحبك ودايم فيك هيمانه
اما اكسبي طيب والا لا تجازيني=الذنب منك يروح وجاه غفرانه
مادامنا في طريق الحق ماشيني=والعاطفه فيه والاخلاص ميزانه
ابي من الحب اروي لك وترويني=حتى نخلي قلوب الحب رويانه
نعانق السحب والاحباب صافيني=ونمطر مع الغيث لاسيل بوديانه
تعالي انتي تعالي ثم ضميني=ضمت مقفي يضم باصغر اخوانه
خلي معايير ناسك والقوانيني=مافيه قانون يحرم قلب خلانه
واعيدوارجع على مبدى عناويني=حبيتي من ملاك الطهر انسانه
والبحر هايج وعيا لا يرسيني=وابحرت انا فيه والامواج هيجانه