شـقـى عـمري

[مشعل الغبين]

الـسـلام علـيـكم

أهـني نفـسـي كـ/شـاعر مـتواجد بـيـن شـعـراء مـتمـيزين مـثـلكم..


فـي منـاسبـة تواجدي معكم

أطرح لكم قصيده من قلبي لقلوبكم

واطلب من الله أنها تنال على أعجابكم

ياخيي الحزن ، انا بسألك امانه ليـه تشقينـي..؟=وش اللي باقي بعمـري ياخيي ماتغربلته
أذا دمعي انا كل يوم ، غزيره حيـل يكوينـي=لو دموعي بحر بعيون ، مداني اليوم خلصتـه
طلبتك يالحزن قل تم وشيل الدمع من عيني=أنا جيتك أبيك تشيل دمعـآ حيـل نزلتـه
صعب كف الشقا والله يمد رضاه يسقينـي=من أحزان اسكنت فيني ودمعٍ سال واهملته
انا عايش .. معي دنيا ، وتايه في عناويني=اخاف يميل بي همك ، ودرب الحزن عدلته
حلمت ان الفرح طفلٍ حملته باول سنيني =صحيت ولا لقيت إلا ملامح عود كسرته
ولو ساعة تأخر همي ولا بات يشقيني =اعرف انه يجمع من معاوينه ولا خلته
امانه وش تبي توصل ، وش اللي فيك يعنيني =تبي تفتح علي ابواب ، وهمك باب سكرتـه
وش اللي ما تبي قوله ، وخله بينك وبيني = عشان اليا خلص حكيك ، اقلك شي ما قلته

سلامة قلوبكم جميعآ