من لا يعز النفس عن كل منقود

[ماضي الصبر]

[align=justify]

من لا يعـــزّ النفــس عــن كــل منقود
يصـــبر على نقــــد الرجــال النواقيد

ومن لا حَفظ نفسه عن النقص والزود
مـــاينذكـــر بـين الرجـــال الصناديد

ومن لا جعل للمزح فالمجلس احـــدود
مع الزمن ينقــص جنابه ولا يزيد

ومن لا جمع حلو المـقابل مـع الجـــود
وحدة بلا الأخرى خسارة ولا تفيد

ومن لافــزع في واجــبة حــزة الكــود
إحسب حسابه من حساب المقاريد

وإن طبت لاتدور ورى الطيب مردود
طش ابحر خــــل الجــــمالة بلا قــيد

والطيب مثل الصيد يعرض ولايعود
واالخاسر اللي ماكسب لعرض الصيد

ولاتجــازي المقبل إذا جاك بصدود
ولا تطاوع المقفي على كل مايريد

وبابك عـن الجــيران لايصــير مردود
مهما حصل عن زين الأفعال لاتحيد

واضيف لاضافك له إحقوق وإعهود
إحـــــفظ جــنابك عن كلام الحواقيد

ورجـــلٍ بلا عـــزوة حـــياتة بلا فود
وفي عزوتك لاتستمــع للحواسيد

[/align]

هذه القصيدة لشاعر نايف الشبيعان