**نبي نفكر قبل ذم وشماته**

[عبيد الله مهل الشملاني]

]
من ماغلط ماقال صح بحياته =ترىالغلط والصح لازم يصيرون
لولا الغلط والصح في كائناته =ماصار بالعالم محاكم وقانون
ولاكل حي محققا لامنياته =ولاكل مايحصل به الناس يدرون
حتى الغني ماهو سعيد ابغناته =ولا الفقير بكل الاوقات محزون
نبي نفكر قبل ذم وشماته =ونبي نشوف الناس وشلون يمشون
وكل ترى فعله يحددصفاته =وفي مافعلت الناس لابد يحكون
بعض البشر همه على قد ذاته=ينظر بعين ولا ذكر نظرة عيون
بمراقبة خلق الله اشقى حياته=بالحسد لاهل الخير مغرم ومفتون
مهموم في دنياه حتى بصلاته=ولا يقتنع لو يمتلك للف مليون
وان جاه داعي خير لو من زكاته =اصبح فقير وضاق به واسع الكون
مايستطيع لفعل خير بحياته =محروم من دنيا بها صار مغبون
وبعض البشر فعل المكارم مناته=وقت اللوازم في يدك سيف مسنون
حب السعاده للبشر من سماته =وايضا بعد حتى البشر له يحبون
وبعض البشر مسكين غط بسباته=لافيه خير ولاله الناس يرجون
والزرع من بذره تحصد ثمراته=من يزرعون الورد للورد يجنون.



الاخ العزيز الشاعر الكبير المخضرم محمد مقبل صح السانك ولا هنت على هذه القيصده الرئعه

والجميله ,,,,,

وهذا والله يحفظكم ,,,