السلام عليكم ورحمة الله وبركاته
اسعد الله اوقاتكم بكل خير
بانت نجوم الصبح واللي في عيوني من عصر = ماهوب دمع ٍ لاتضايقت اتنهت واسكبه
لاوالله الا حلم شيخ عن طموحه ماقصر = لوقصرت سـود الليالي من يمينه وشنبه
وأنا لوإني ماتعلمت الهزيمه والنصر = ماكان ذقت من الهوى القتال امره واعذبه
شاعروعصري فاتني واعيش في اغرب عصر = لا الوقت وقتي والزمن مابيني وبينه شبه
لكن هنوف ٍ مثلت دور العزيزه في مصر = قدّت قميصي واسرفت في وصلها قبل انتبه
يوم انتبهت استشهدت ضدي بحراس وقصر = قلت ارحمي عزيز قوم ذل وارخى منكبه
ماني نبي الله اقاوم حــسن خصرك الى انهصر = انا بشرعبد ٍ ضعيف وكل برق يجذبه
قالت وهي تو اتّـثنى كن ما فيها خصر = الشعر ياضيدان ورث جدود وألا موهبه
قلت الشعر سحر يسخرلي قلوب ويختصر = عمر المسافات الطويله والسنين المجدبه
والحب شي لوحصرته في ضلوعي ما انحصر = يطغى على حدب المحاني لين أبيحه واكتبه
وإن علمتني الفاتنه وشلون أسير بلابصر = علمتها الفنجال و شلون اتحدى واشربه
للشاعر : ضيدان بن قضعان
15/03/08, (07:06 PM)
ارحمي عزيز قوم ٍ ذل !!
العرض الشجري