استأذنكم بها
ياملاك الزيـن ياريـح الـورودي=بسألك إلى متـى وانتـا جحـودي
صاحبك مرات يُفهم لـه , ومـرة=كن لاشفتـه تقـل مافيـه فـودي
منسفه خلقه وفـي عشقـك معنّـا=ياما منْ اجلك كسر سلم الجـدودي
شوفي حاله من كثر ماهي نحيلـه=كن ينخرهـا مـن التحنـان دودي
وشوفي عينه لادْمعت دمعه حزينه=مـن حرارتهـا تبيـّن بالخـدودي
وشوفي شوقه لاشكى صدمات حبك=كنه يعبر عـن افعـال اليهـودي
قلبه اخضر من قبل يعرف هواكـم=يومن قلوب العرب عميا وسـودي
ارحميه وارجعـي لـه ياحنونـه=صاحبك مجروح من كثر الصدودي
لاتصـدّي حالتـه جـداً خطيـرة=إمسكي راحـت يدينـه وبركـودي
تعْرفيـن انـك تحكمتـي بعقـلـه=وتخْبرينه مانقض يـوم العهـودي
يانبض قلبـه ويـادمٍ فـي عرقـه=لحظة يشوفـك يعـزّز للصمـودي
طمّنيه إنـك بخيـر وراح يبـرى=بإذن ربٍ دايـم الـدوم معبـودي
ياجميلة آآآه مـن حـب العفيفـة=كيف يورّد صاحبه وسط اللحـودي
معذّبٍ في نجـد والطرقـة بعيـدة=وعينه من كثر السهر لاماتنـودي
وده إنـه ترجـع ايـام السعـادة=يومك انتي عنده بـدار السعـودي
للأسف رحتي وابعدتـي المسافـة=وهوّ عارف إن رحلتـي ماتعـودي
كيف بيشوفـك ويسلـى ويتهنّـى=وحال من بينك حرس ذيك الحدودي
اخوكم :
بندر نغيمش البجيدي
02/03/08, (12:52 AM)
ريـح الـورودي !!
العرض الشجري