رداً على قصيدة الشاعر سعود بن ضفيدع الجعفري ..

[ماضي الصبر]

بسم الله الرحمن الرحيم

أعضاء وزوار هذا المنتدى الرائع .. السلام عليكم ورحمة الله وبركاته .. وبعد

أوردنا كما هو واضح في المختارات الشعريه قصيدة الشاعر الكبير / سعود بن ضفيدع المريحمي الجعفري .

والتي هذا نصها :

بسم الذي يعلـم جميـع الخفـاوي = خـلاق صـم اجبالهـا والنفـودي
متفردن بامـره وحيـدن خـلاوي = في حرف كاف ونون كان الوجودي
يـاالله يامحيـي البـلاد السنـاوي = انت الرجا يـوم الاوادم حشـودي
بعده بديت القيـل مانـي مـراوي = قول الصحيـح ولايبيلـه شهـودي
امدح ربوعـي دام بالشعـر قـاوي = جعافره يـوم اللـوازم عضـودي
ياعيـال نومـس يابعـاد الهقـاوي = عسـا لياليكـم دومـن اسـعـودي
من ساس ربعن ياصلون الحـراوي = ان صار ضربن بالنمش والزنـودي
وان صار ذيب من ورا ذيب عاوي = ترسون يالويـلان مثـل الحيـودي
وان قرطن بعض العذارا الغطـاوي = تردون حياض الموت ورد الورودي
من ساس جدن بالشجاعه رهـاوي = من دونا وجودكـم مـن اجـدودي
جعـافـره ليابلنـهـا الـبــلاوي = خصيمها يحـرم عليـه الرقـودي
ليارفعوا صوت الحـدا والعـزاوي = كم واحدن طشوه حـدر اللحـودي
خلـو حريمـه يدفعـن النـعـاوي = ولي سلـم عاهـد لهـم مايعـودي
وصلوا على خير العبـاد الحيـاوي = اعـداد ماهبـت ذعاذيـع نــودي

وقد قمنا بهذا الرد المتواضع تجاوباً مع الشاعر وعرفاناً له على جهوده وإليكم النص :

باسم الكريم اللي جميع الدعاوي = يعلم بها حلال صعب العقودي
سميت وابدأ وأصخر القاف هاوي = من هاجس مرقاه دايم سنودي
باعلى الجبال النايفات امتساوي = على كذا دايم بحال الصعودي
اكتب لبو مشعل بعيد الهقاوي = ابن ضفيدع لاعدمته سعودي
من ماكر مافيه غير النداوي = نسل الحرار معربين الفنودي
ربعي وربعك كل ابوهم قداوي = جعافره للطيب كل يقودي
خيالت الجدعا كبار النخاوي = كان العدو للحرب زاد الحشودي
يردون حوض الموت ماهي حكاوي = بافعالهم كل القبايل شهودي
عدوهم يصبح على الدار ثاوي = يدعو عسى اللي صارله مايعودي
ياسعود ياعز الخوي المخاوي = ياعزوتي ياخلال عين الحسودي
علمك مع اهل العرف دخان جاوي = مايشبهه ياكود عد النقودي
وأن سولفوا بك شاربين القهاوي = قالوا نعم ماقيل هذا سرودي
يفداك ولد اللاش لو هو غناوي = برضه ويفداك الخسيس الحقودي
هذي تحياتي وكل المناوي = انك تقبلها وتقبل جهودي
ماضي صبر لاضاع طب المداوي = علمه يداوي يابسات الكبودي
صلاة ربي ماضوا الليل ضاوي = على النبي اقولها بالسجودي

وسلامتكم