قبل أختبار المدرسه والكل في يده كتآب

[زياد الشمري]

قبل أختبار المدرسه والكل في يده كتآب !!



قبل أختبار المدرسه والكل في يده كتآب !!
وإلا ملخص معتبر فيه احتواء اللي يبي!!
كلن يراجع مادرس مما جناه فكل باب !!
وانا علومي كلها في وسط راسي تختبي !!
جيت ودخلت المدرسه واليا الخلايق بارتياب !!
شفت البشر ماهي بشر ماباقي إلا تقنبي !!
اللي لفا واللي هفا والي غدا فيه اظطراب !!
والي يلف بمحوره كنه مضيع له صبي !!
واقول انا في خاطري وشلون لو صار إنقلاب !!
هذا اختبار وهزهم وش عاد لوهي تــــنــــشبي !!
ثمن مشيت بوسطهم كني على درب الرحاب !!
واثق وانا في خطوتي كني كليب التغلبي !!
وبعده دخلت بقآعتي واعطيت بسمه للشباب !!
بسمه تواضع صادره من مبسم الحر الأبي !!
وثمن نصيت الطاوله من بعد _ماشفت العجاب !!
واركيت انا من خلفها كني مدير بمكتبي !!
ويومن لفونا بالورق والحال طاب وماش طاب !!
من يوم شفت الأسئله ماغير أعضض بشنبي !!
هذا أختيار وعللو واين الخطا عطني خطاب !!
وإلا(لماذا هكذا) ذي اكسره لي مخلبي !!
_ثمن دخلت المعركه والجو يكسيه الضباب !!
واليا القلم في فزعته غطا على كل احدبي !!
وصار اللقا واليا الطعن مايردعه كود النصاب !!
وكل ماأنوخ مسآله تجيني الأخرى تحبي !!
ولافطنت الا الذي ناوي على ببيتي خراب !!
قاعد يشد بغترتي ويكــــثر النخواتي بي !!
ثمن همست وقلت له وش فيك يامال الذهاب !!
لاتقعد أتشد الغتر قلي دخيلك وش تبي !!
قال السؤال الي تحت شفني ادو له جواب !!
ابك الرسول ومن متى به فرق بينه والنبي !!
ثم التفت وقلت له لاتكثر من اكل التراب !!
هذا سؤال تسأله وش فيك منته يعربي !!
ترى الرسول اهو النبي والعكس مابه من صواب !!
وشف المدرس حولنا واركد شويه ياغبي !!
ثمن خجل من كلمتي والوجه بان ابه العتاب !!
كني وانا في خاطره مايبقى إلا يحتبي !!
ودق الجرس من بعدها ثم قلت ياوجه الغراب !!
من هو طلب للعاليه يسهر فليله ياصبي !!
لاتتبع اوهام مضت وتغرك اشكال السراب !!
تكفى اجتهد بالمدرسه حتى تحصل منصبي !!



الشاعر/ عبد الرحمن عايد العنزي