الذيب يدرع بالغنم ولايحسب احسابها !!

[سعوط المجانين]

السلام عليكم ورحمة الله وبركاته


اسعد الله اوقاتكم بكل خير

الشعـر فـي شرعـي فكروالفـكـر بالشـعـر الاصـيـل = نـهـج العـقـول الناضـجـه والعاقـلـيـن ادرابـهــا
مو شرط من يكتب شعر يدري عـن بحـور الخليـل = الـلـــي يــــداوي عـلـتــك لا تـبـلـشـه بسـبـابـهـا
احد ٍعلى الحندا حدا واحد ٍعلى الشله يشيل = كــل ٍ عـلـى مايـكـرب بـيـوتـه يـمــس اطنـابـهـا
علـى سبيـل اهـل المثـل مانـي مـثـل اهــل السبـيـل = اللـي معانـي حضورهـا تشبـه معـانـي غيابـهـا
لا غبـت جبـت وعادتـي لاغبـت مـاارجـع بالهـزيـل = ان جبت اجيب اللي محد بالشعـر قبلـي جابهـا
تعشقني الفكره ..بكر..واسبـق لهـا الـوزن الثقيـل = اللـي بنـات افكـارهـم مبـطـي رمـيـت حجابـهـا
اهيـم فـي وادي الدهـاء واروي حديـث السلسبـيـل = يوم غيـري جامـع كتـب الشعـر يقرابـهـا
مـابــا الـقـرايـه رايـــه بـيـضـاء ولا مـنـهـا ذبـيــل = لا روحـت خيـل الـطـرد تمـشـي عـلـى هذابـهـا
بعض المعاني وقعها اشطر من السيـف الصقيـل = يـوم السيـوف مـن الهلـع تثقـل علـى قضابـهـا
ناس على الشعر دخلـت والشعـر بـي منهـم دخيـل = يقـول انـا بوجهـك عـن الهـزلـه وعــن كتابـهـا
ومـدام صـارت تشكـي العلـه مــن اسـبـاب العلـيـل = قــل للجمـاعـه تـرمـي اثيـاب ٍمـاهــي بثيـابـهـا
ماهـي بلحيـه طشطشـه سيـل مـن العـارض يسيـل = اسـقـى جـبـال المملـكـه وسهولـهـا وهضـابـهـا
فنقيل ابــو ظـبـي ابـرقـت وعـيـون اهلها لي تخـيـل = قولولـهـا عيـنـي لـهـا مبـطـي تـــرف اهـدابـهـا
مسـاكـم الله بــالادب والـــذوق والـشـعـر الـجـزيـل = مـن شاعـراً صـدره يسـع مكـه ومـن يسعابهـا
شاعـر شمالـي وقفتـه عــن لابـتـه تشـفـي الغلـيـل = يـدرى زعلهـا ويحمـى عنهـا ويخشـى اعتابهـا
فــي ميـلـه عقـالـه ثـقــه وبـفـطـره صـبــر جـمـيـل = يـحـسـب مـسـافـه صـيـدتـه وليا رماها صابها
انــا البـديـل لعـمـر ابــن كلـثـوم لــو مـالــه بـديــل = لقامـت فحـول الشـعـر تفـخـر بطـيـب انسابـهـا
لا المستحـيـل يـردنــي ولا ابـــن عـــم المستـحـيـل = ياماكسـرت القاعـده واخلـفـت وجــه اعرابـهـا
صــدري لـيـا علـيـت عــلا ولياستطـالـت يستـطـيـل = امــا اسـتـوت لــي كلـهـا والا بــلاش اشقابـهـا
عـنـدي قنـاعـه ظـلـهـا وافـــر ولـــي فـيـهـا مـقـيـل = مامشي وراء قالـوا قبـل واعيـش فـي جلبابهـا
مامن وراء زرع المثل في وقتنـا الحاضـر حصيـل = مـن طبـق امثـال الـعـرب فـهـذ الـزمـن يبلى بـهـا
مــن ذل لــو قـالــوا سـلــم يـبـقـى بنـظـرتـهم ذلـيــل = ماتستوي القمـه تحـت رجليـن مـن هـو هابهـا
ايـه الشجاعـه تغلـب الكثـره وانـا اعطـيـك الدلـيـل = الـذيـب يــدرع بالـغـنـم ولا يـحـسـب حسـابـهـا
جيـت بشمـوخ الوايلـي ماجيـت مـن تحـت الشليـل = ولا ردنـي عــن سـاحـه الشـعـار كـبـر القابـهـا
لو كـل مـن اسمـه جميـل مـن العـرب يطلـع جميـل = كان أكثر اسماء العرب تحمل صفات اصحابها
ولاينعـم بظـل النخـيـل الـلـي تـحـت جــذع النخـيـل = الشمـس تصقـع هامـتـه حـتـى يحـيـن غيابـهـا
ولا طولـت عمـرآدمـي قولـة عسـى عمـرك طويـل = طــول العـمـار وقصـرهـا رب العـبـاد ادرابـهــا
رح ردهـــا عـنــي وانـــا بـأكـبـر عواقـبـهـا كـفـيـل = ان كانـهـا كـذبـه فـأنــا بـيــن الـعــرب كـذابـهـا
ان الشجـاعـه تغـلـب الكـثـره وهـــذا اكـبــر دلـيــل = الـذيـب يــدرع بالـغـنـم ولا يـحـسـب حسـابـهـا

للمبدع \ خلف المشعان