قصيدة البارحه ::للشاعر نمر بن عدوان::

[هندي المقبل]

الـبـارحـة يـوم الـخـلايـق نياما = بـيـحـت مـن كثر البكا كل مكنون
قـمـت اتـوجـد وانثر الماء على ما = مـن مـوق عـين دمعها كان مخزون
ولـى ونـة مـن سـمـعـها مايناما = كـنـي صويب بين الأضلاع مطعون
وإلا كـمـا ونـت كـسـيـر السلاما = خـلـوه ربـعـة لـلـمعادين مديون
فـي سـاعـة قـل الـرجا والمحاما = فـي مـا يـطـالع يومهم عنه يقفون
وإلا كـمـا ونـت راعـبـية حماما = غـاد ذكـرهـا والـقوانيص يرمون
تـسـمـع لـهـا بين الجرايد حطاما = مـن نـوحـها تدعي المواليف يبكون
وإلا خـلـوج سـايـبـة لـلـهياما = عـلـى حوار ضايع في ضحى الكون
وإلا حـوار نـشـقـولـه شـمـاما = وهـي تـطـالـع يـوم جروه بعيون
يـردون مـثـلـه والـظوامي سياما = تـرزمـوا مـعـهـا وقـامو يحنون
وإلا رضـيـع جـرعـوه الـفـطاما = تـوفـت امـه قـبـل اربعينه يتمون
عـلـيـك يـا شـارب لكاس الحماما = صـرف بـتـقـديـر من الله مأذون
جـاه الـقـضاء من بعد شهر الصياما = صـافـي الـجبين بثاني العيد مدفون
كـسـوه مـن بيض الخرق ثوب خاما = وقـامـوا عـلـيه من الترايب يهلون
راحـوا بـهـا حـروة صلاة الاماما = عـنـد الـدفـن قاموا لها الله يدعون
بـرضـاه والـجـنـة وحسن الختام = ودمـوع عـيـنـي فوق خدي يهلون
حـطـوه فـي قـبـر غـطاه الهداما = فـي مـهمة من عرب الامات مسكون
يـا حـفـرة يـسـقـي ثراك الغماما = مـزن مـن الـرحـمة عليها يصبون
جـعـل الـبـخري والنفل والخزاما = يـنـبـت عـلى قبر به العذب مدفون
مـرحـوم يـالـي مـا مشي بالملاما = جـيـران بـيـته راح ما منه يشكون
يـا وسـع عذري وأن هجرت المناما = ورافـقـت من عقب العقل كل مجنون
أخـذت أنـا ويـاه سـبـعـة اعواما = مـع مـثـلـهـن في كيف مالها لون
والله كـنـة يـا عـرب صرف عاما = يـا عـونـة الله صرف الأيام وشلون
وأكـبـر اهـمـومي من بزور يتاما = وإن شـفـتـهم قدام وجهي يصيحون
وأن قـلـت لا تـبـكون قالوا علاما = نـبـكـي ويـبـكي مثلنا كل محزون
لاقـلـت وش تـبـكون ؟ قالو يتاما = قـلـت الـيـتـيم اياي وانتم تسجون
قـمـت اتـشـكـا عند ربع اعداماما = وجـونـي عـلى فرقا خليلي يعزون
قـالـوا تـجـوز وانـس لامه بلاما = تـرى الـعـذارى عن بعضهم يسلون
قـلـت إنـهـا لـي وفـقت بالولاما = ولـو حـمـعـتـم نصفهن ما يسدون
مـا ظـنـتـي تـلـقون مثله حراما = ايـضـا ولا فـيهن على السر مامون
وأخـاف أنـا مـن عـاديـات الذماما = الـلـي عـلـى ضيم الدهر ما يتاقون
أوخـبـلـة مـا عـقـلـهـا بالتماما = تـضحك وهي تلذغ على الكبد بالهون
تـوذي عـيـالـي بـالـنهر والكلاما = وانـا تـجـر عني من المر بصحون
والله لـولا هـالـصـغـار الـيـتاما = وخـايـف عـليهم من الدجه يضيعون
لـقـول كـل الـبـيض عقبة حراما = واصبر كما يصبر على الحبس مسجون
عـلـيـه مـنـي كـل يـوم سلاما = عـدة حـجـيج البيت واللي يطوفون
وصـلـوا عـلـى سيد جميع الاناما = عـلـى الـنبي يللى حضرتوا تصلون