هاتني منّــك / وحضور اول بينكم ..

[مبارك العنزي]

اشكر الاخ العزيز / هزاع الساري .. على دعوته الكريمة

وحضور اول .. اتمنى ان ينال الرضى والاستحسان

\
/

لا تعبت , ولا ندمت , بكل دمعة لك تطيح= لا تسافر للمواجع دام قلبــي لك يبـــــوح
كان في صدمة ( زمانك ) أشرعة تقتلها ريح= مركبك مازال ساطع في سمانا ما يروح
إيه أجاهر في غلاتك إي نعم هذا الصحيــــــح=وش بقى دونك أماني اعتنقها بصدق روح !
دام مالي غير حبّك في حياتي مــ استريـــــــح= غير قربك لي وسادة احتضنها يـوم أنوح
هاتني " منّك " تراني فوق ساخن هـ الصفيح=يغلي قلب ٍ بي ترامى من على هـذي السفوح
هاتني إن كان تسمع خذني كلّي لا أطيــــح = تبتلش فيني وانا اللّي لا وقع كلّي " أروح "
تدري انك في حياتي مسألة " خوف ٍ " مريح= كل ما غابت طيوفك أبنـــــي لحلمي صروح
تدري اني يوم "أعيشك " أفترض خافق جريح=وانت في عطفك تعيشة بالمداوى لي تفوح
تدري اني يوم أشوفك اخلق لوضعي " طريح "= وانت تتوسد غرامي واعتلي بك " بالشروح "
تدري اني يوم اغايض غيرتك يمكن أصيح = وابكي من شدّة غلاتك واستقي بك من جروح
تدري انك لي علامة لو تشاهدها " تسيـــــح "= فوق ما تنظر عيونك "أنقى " من كل الوضوح
تدري انك لو تعادل كل هالكون الفسيــح = ما وصل مثقال حبك يوم أعاهد بك طموح