الفراق الصعب !!

[سعوط المجانين]

السلام عليكم ورحمة الله وبركاته

اسعد الله اوقاتكم بكل خير

مايدلّـه خاطـري ويـزيـن دلّــه = ويطربـه ويدخلّـه فـي جـوّ ثانـي
كـود رنـجٍ ماعلـى تندتـه سـلّـه = أبـيـضٍ ماكـنّـه الا قحـويـانـي
انّ وقف .. والاّ تحرّك مـن محلّـه = شيخ قـومٍ مـن عريبيـن المجانـي
ولا أعترض في شـارعٍ كـلٍ يدلّـه = وقفوّ له قوم ( يالبى .. وكاني ) ....!
موتـرٍ ماجـا بـحـب اخـشـوم لله = ولا بهـدوٍ مـن طويليـن اليمـانـي
جابته يمنـاي .. والباقـي علـى الله = مـن رصيـدٍ ماذخرتـه للزمـانـي
ماحسبت المـال مـن كثـره وقلّـه = مؤمـنٍ بـإن العمـر تاليـه فـانـي
والغنـى غنـى النفـوس المستقلّـه = طبع متوارث وأخذتـه يـوم جانـي
ماخـذه مـن شايـبٍ طبعـه أجبلّـه = جعـل يبطـي فالوجـود وفالمكانـي
هبّ ياصـدرٍ ليـا مـن ضـاق كلّـه = تستضيق الأرض من ضيق المحانـي
غلقـةٍ مامنّـهـا الاّ كــلّ عـلّـه = تعقد احجاجـي وأنـا مانـي بدانـي
افهـق اشماغـي وأدلههـا بشـلّـه = مـن طواريـقٍ تنسيـنـي كيـانـي
قومـي اللـيّ حدنـيّ دقّـه وجلّـه = واحدٍ ذكـره ماغيّـب مـن لسانـي
لاطرالـي والخـواطـر مسفهـلّـه = انفهقت امـن النديـم اللـيّ وزانـي
خوف نـاسٍ مالهـا مذهـب وملّـه = فيهـم المعـروف مايقـنـاه قـانـي
لابغيت اسـجّ عـن ماضـي سجلّـه = أعترض لي من جديد وجيـت عانـي
للرسـوم اللـيّ مبانيـهـا مطـلّـه = عـاد فيهـا مـن مبانيهـا مبـانـي
اتلفـت وادري ان نفـسـي مغـلّـه = من صواديف الزمـان اللـيّ دهانـي
كل شيٍ صعـب يلقـى مـن يحلّـه = الاّ شــيٍ مايحـلّـه مـودمـانـي
الفـراق اللـيّ وصـالـه مايـدلّـه = والله انّه اصعب من افـراق الغوانـي
والليّ أصعـب منـه ذكـرٍ ماتملّـه = يبكـم الالسـن قبـل صـم الأذانـي
واهنـي اللـي شـعـوره مايتـلّـه = ماحداه اللي علـى الطـاري حدانـي
ويـن ابدلـه والمحانـي مستحـلّـه = والجـروح اكبـار والله المستعانـي
هي كـذا الايـام واشهـور الاهلـه = شي طبيعي عشرهـا ترجـع ثمانـي
من ترجى الوقت فـي ليـت ولعلّـه = والله ان يبطـي وهـو منّـه يعانـي
انشد اللـيّ جـاه مـن الأيـام خلّـه = وباح سدّه فالرفـاع امـن الطمانـي
يعتبـر بوحـه علـى غيـره مذلّـه = والضعافـه حيلـة الرجـل الجبانـي
خاطري مافـات مـن الايـام خلّـه = لاترجى الفوت .. واتفـوت الثوانـي
اطلق احجاجك .. على صدري وفلّـه = دورة الايــام مامنـهـا ضمـانـي
يانعيـش العمـر والفايـت نشـلّـه = اوّ نذّب الصوت فـي راس البيانـي

للمبدع \ فالح بن قشعم