لـبـيـــه ..لـو مـاهـو لـنـا قـول لـبـيـــه..!!

[صالح العرجان]

صوت :

لو ينشرى قلبٍ من السوق لاشريه
............................... ودي بقلبٍ في صفاته جمادي



كان صداه :


يسعد مسا اللي هيضتني معانيه
.............................. بعض المعاني يوم تطلع هوادي

.
دارت دواير هاجسي من هواديه
.............................. من بعد ماسطح البحر كان هاادي

.
ماكل من يكتب قصيده اجاريه
.............................. ولا كل صوتٍ يستحق ارتدادي

.
لا شك ابوتركي عسى الله يعافيه
.............................. وافق مراده بالقصيده مرادي

.
لو كنت ماني بالقصايد حواليه
.............................. ابجتهد والله يخلف اجتهاادي

.
((لبيه))..لو ماهو لنا قول ((لبيه))
............................. اقولها .. ماهو عليها اعتمادي

.
هذا القصيد اللي تهزك قوافيه
.............................. ما رتبه في وصف هند وهناادي

.
يشكي لربه ويتضرع ويدعيه
.............................. وينادي اللي يسمعون المناادي

.
صوته جذبني واعجبتني مساعيه
.............................. وسليت سيفي قبل اوازن شدادي

.
ياعارضٍ قلبك للاسواق وشفيه
.............................. بياض قلبك ما اذكرو به سوادي

.
قلبٍ ملاه الطيب ما ينصخى فيه
.............................. ياكم عجز من زود طيبه يعادي

.
وش عاد لو قالو بليا تشااابيه
.............................. طيبك بعيني فوق طيب المهادي

.
لو يزعِلك وضع الزمان ومواريه
.............................. راعي المبادي ما يكب المبادي

.
والله لو تدري عن اللي مخبيه
.............................. همٍ حبسته بالضلوع انفراادي

.
ما كل هم اليا تضايقت تشكيه
.............................. احيان به شيِ على شي بادي

.
كل شي يكشف عن عيوبه تواليه
.............................. لو لا المدى ما كان صار التمادي

.
شيٍ يعدى حاول انك تعديه
.............................. خلك مثل ماقالو الربع عااادي





الــشــاعــر : خــلــف الــمــشــعــان