أسوأ خبر على العروبة والاسلام =موت الزعيم اللي نعته العروبه
عم الحزن واليوم تنكيّس الاعلام =كل البلاد بشرقها مع جنوبه
كن الخبر جانا مثل مر الأحلام =شمس السعادة مايَصَدق غروبه
لا مايموت بداخلي قبل الأعوام =الوايلي جعلي فدايا ذنوبه
هو خادم البيتين هو أبن الامام =بركع وبدعي رحمته مع شعوبة
هذي عيوني تسيل مع نزف الاقلام =وجنبي رضيع يصيح ناسي لعوبه
كلن بكى حرً ولد حر ضرغام =وفيض العباير يوم عّنا أنتحوبه
هو المليك اللي حكم بشرع الاسلام =في ذمتي طيبه هو أكبر أعيوبه
لا تاهت الافكار وحارن الاقدام =الشعب فكرة وأن تكلم عذوبه
عشرين عام وفوقها خمسة أعوام =والمجد يبنى طوبةٍ فوق طوبه
صميدعٍ صنديد عزام جزام =في وقفته في حنكته في أسلوبه
مواقفه جمه على كل الاقوام =اسم الفهد حام العروبه شدوبه
وما يضام من جاله من الناس مايضام =عز ومعزه لكل من هم لجوبه
وياقف بحلق اللى يمارس الإجرام =منـهـج قــذر عاهات مـنهـم مـشوبه
ياعزتي لك يافهد نسل الاكرام =ملك . محنك . وشرع الله سالك دروبه
في مثل هذا اليوم قبل 15 عام = اللي على الخــوآن أعلن حـروبه