شمرهل التوقير

[حـمد بن فتان]

يقول الغريب اللي بدا في الطويل اعصير=على حد رفحا فـي الحـدود الشماليـه
سلامي على ربعي هل العـز والتقديـر=هل الوادي اللي في جنـوب السعوديـه
رجال ولدهم ينتخـي ويعـدي ويغيـر=علـى درب شيبانـه طـوال خطاويـه
لأن الولد يقتل يلي صـار بـه تقصيـر=يمـوت الجبـان بسيـف والا بجنبيـه
كذا سلم ربعي يوم هذا المجـال يصيـر=سقوا زرعهـم واثمـر وحنّـا مجانيـه
يمسيش يارفحا ومسّـا هلـش بالخيـر=وجعل الفيـاض يعلهـا وبـل وسميـه
خياله على غرب النضيم اول التبشيـر=ومن هجرة الهباس الى الطلعـه رفيّـه
مداهيل زمل شيوخ شمر هـل التوقيـر=عزاز النفوس اهـل الوفـا والشهاميـه
تميزهـم الدحّـه ولافراحهـم تعبـيـر=لمـا قـام كـلاً كاشـخ فـي طفيليـه
تغـذت نواياهـم علـى حبهـم للغيـر=ومن صغرهم رضعوا كرامـه وحريـه
مثل ماحصل من سالم ذعار من تبريـر=لوضع خدمنـي فيـه خدمـه انسانيـه
عسى الله يبيّض وجهه ويذكره بالخيـر=وعسى الله يصلح له جماعـه وذريـه
شمالي وفعلاً الشمالـي طبوعـه غيـر=يفدي بروحك بعده او مـن بعـد حيّـه
وعذراًعلى التنويه لو صار بـه تأخيـر=ومثلـك يابـو ماجـد نقـدّر مساعيـه
معك يانهـار بشيّـر الشمـري ياخيـر=من يقوم بالـلازم لمـا بـان حاضيّـه
تحيّه وفيها مـن سـلام الغـلا تبذيـر=تقسّـم علـى الغاليـن بتّـه ومثنيّـه
تحيه الى الجربا الـى شايـبٍ وصغيـر=من الشـام الـى حايـل الحفـر رديّـه
لشمر عموم ولا يجـي بينهـم تخييـر=وساع الصدور وعندهـم طيبـة النيـه
نسايب رفيقٍ لي عزيـز علـي اكثيـر=ابن عمي اللـي لـه مكانـه وجاهيـه
عسا الله يجعـل قبـره يحلـه التنويـر=على ما تقدم به مـن اعمـال خيريّـه
وعسا الخاتمه يلقى بها العفو والتيسير=وجعل الرقيب يقـول يابـرك ذا الجيـه
ويطوي العتيد كتابه ابيض بـلا تغييـر=ويرجع لربـه ماكتـب لـه ولا سيّـه
فراق الرفيق المستشار اصّـل التأثيـر=بقلوبٍ تخافـق لـه جماعـه وفرديـه
وتدعي لروح الغايب اللي حياتـه غيـر=غـدا للوفـا مرجـع وللخيـر جمعيـه
علي بن مسلم من هل البر واهل الخيـر=على الطيب عاش ومات ويعيش طاريه
ابن عمي اللي خيره يجـم جـم البيـر=يميحـه ويتعـب فيـه وتبثّـه ايديـه
على طاري انسابـه تعمـدت للتذكيـر=لأن الوفـي يذكـر لمـا ذكـر عانيّـه
ولا في القبايل ننسب النقص والتزويـر=لأن كـل جمـره تحتهـا نارهـا حيّـه