الضيقه

[نايف الفدعاني]

هذي القصيده لاتحتاج لمقدمات لكن تسأل المشرفين لماذا تم كتابة عضو نشط مكان شاعر


الضيقه اللــــي بداخلي مالهــا قاع
ـــــــــ مثل الفــضا مجــهول حد اتســاعه
لجيت للــي كل خــلقه لـــه انصــاع
ـــــــــ اللي بذكــره للمعاصـــي منـــاعه
ناسن تحسب المعصـيه لهو وامـتاع
ـــــــــ وناسن تحسب المعصيه هي براعه
مطلـــية الراحـــه محشــيه اوجـــاع
ـــــــــ يشوفــها حظــي هـــدية مــــتاعه
صدري نـفث كــنه مــراوح للإقـلاع
ـــــــــ لاطــــارت الضــيقه ولاح ارتــفاعه
ومقياس رختر لو جلب حول الأضلاع
ـــــــــ كانه تنــــهد آه صــبرك شــجاعه
لو الطواري والــحرس جــاك فــزاع
ـــــــــ ما كان سيطر على القلب ودفاعه
كل مانسيت البــاع اذكرلــي اذراع
ـــــــــ اشقى بهمي وهم الإسـلام طــاعه
ابليس غاوي مغـوي النــفس جــزاع
ـــــــــ كــان الأوادم دونه اتــقى جــماعه
الدين دين الله على المصطفى شاع
ـــــــــ مـــلة محــمد فـــايز (ن ) بأتـباعه
خطة بني صهـيون تسميـــم الأزراع
ـــــــــ عشان حنا نعـــيش فقر و مجاعــه
وشل الثقــافه بالســخافه وتـنذاع
ـــــــــ مليار واثنيـــــــن و ثلاثه بإذاعـــه
يغرون عالم حـب تعــديل الأوضــاع
ـــــــــ يا خذون علم وفكــرته واختراعــه
الفكره اللي عــندنا كــانت ابـــداع
ـــــــــ مع الأسف راحت وجـــتنا بضــاعه
هـزو قوانــا بالتـــناحر والأوجـــاع
ـــــــــ متى شتات الناس يرضى اجتـماعه
تشهدلي الجــولان شبــعه والبــقاع
ـــــــــ فيها جواسيس(ن) تبــث الإشـــاعه
اصحو غديتو بــين خــاين وطـــماع
ـــــــــ متى كــلام الحق لبـــــى استماعه



وسلامتكم


اخوكم


نايف الفدعاني