اول مشاركه

[خلف فلاح الحمرون]

قال الذي يازن كلامه بميزان= من هاجسً فيه المعاني ثمينه
ازن جزيلات المعاني بالالحان=واترك هزيل القاف واخذ سمينه
يامرحبا ترحيب وافي ومليان=اعداد ماهل المطر من غشينه
ترحيبة المشتاق من قلب ولسان = باللي بوسط قلوبنا له مدينه
حي المليك اللي له القلب مسكان=اعداد حرف ً باالورق كاتبينه
خيره شمل كل المناطق والاوطان =وزيارته شرف لمستقبلينه
خيره وصل للشعب بدوً وحضران =ودايم بفعل الخير بيضا يمينه
واكرر الترحيب بعده بسلطان = ولي عهد وللملك هوعوينه
ولي الشرف لاصرت في حفل ويلان =في حفلنا وشيوخنا منظمينه
ويلان من ويلان من نسل عدنان= تاريخهم كل العرب عارفينه
ربعي هل الطولات من ماضي ازمان= درب الشرف والعز متملكينه
لنا الفخر والطيب رمزً وعنوان= وجميع علم ً طيب ً كاسبينه
الضيف لجانا معزز وله شان = نحفظ حقوق الضيف وامكرمينه
حنا عنزه لنا على الميادين ميدان=ومن يعترض طريقنا كاتمينه
حنا عنزه فوق الاصيلات فرسان= عدونا شاف الغباين بعينه
حناعنزه يوم المواقف والاكوان= ادروعنا حصن الدروع الحصينه
حناعنزه يوم المواقيف شجعان=عدونا وقت اللقا هازمينه
حناعنزه لنافعايل وبرهان= نحمي حمانا وجارنا محتمينه
الفعل مثبت واضحً دون جحدان= والمعتدي لامال ناطا جبينه
عزالصديق وللمعادين عدوان= تشهد على صلب المواقف سنينه
صديقنا مضمون حقه ولا يهان= ودخيلنا مصيون وامقدرينه
وصلاة ربي عد هطال الامزان= على النبي وكلنا تابعينه