** أشياء محومتن تسبدي .. مع قليل من الفائدة **

[شمــــــــوخ]

.

.

..,



السلام عليكم والرحمه ..

بيني وبينكم مبطيه عن سدحة المواضيع اللي من هالنمونه ..

هالموضووع ما هو الا اشياء محومة تسبدي .. وحبيت افضفض عنها .. مع قليل من الفائده .. واستفسار

ان شاء الله يكون الموضوع خفيف عليكم ولا يحوّم تسبودكم : )

انطلدزووو

::

::

لا اعرستي .. سوي اللي تبين !!




.

من يومنا صغار وحنا متربيين على سالفه " لا اعرست بسوي اللي ابي " ..

وحتى البعض يبدا يخطط من قبل يعرس وش بيزيّن !

انا احس معهم حق بس بنفس الوقت احسهم شامليين كلّش ..

المقصد .. لو جت بنت وودها تسوي اي شي .. بتغيّر بشكلها مثلا .. قالولها :

ذا الحين بتسوينه اجل لا اعرستي وش بتسويين ؟!

وكم كلمه حلوه تطلع من بؤهم .. تخلي البنت تحرّم تسوي شي .

بس بيني وبينكم .. صراحه كلامهم يغبن .. مع ان لو فكرنا فيه بنلقى بعضه صح ..

يعني حلاته بالعرس تطلع وحده غير عن اللي تعودنا عليه وووو

لكن مو معناه ان البنت تدبل تسبدنا بشينها وخلاقينها لين تعرس؟

الطاامه مب هنا .. الطامه لا صار الرجل حقنه

مثال : فلانه من وعت على هالدنيا وتبي تقص شعرها .. وكل ماقالت ابي اقصه .. قالو لا اعرستي..

ليين جا اليوم الموعود .. وياحلالي خططت من اول يوم ملكت فيه انها ثاني يوم بتقصه ..

لين جا هاليوم .. ووبكل برود هالعااالم قالها الرجال : لا

قسمن هنا ودي انا ادبغه

يعني اوكي قل قصي بس مب حيل .. وتراها اخر مره ومن هالحتسي .. بس مب تعيي وبس ..

وع عليك .. ووع عليتس يالمقروده خخخخخخخ

::

::


مااعندك سالفه .. اتسذب !



ما يخفااكم ان اغلب الجلسات اللي نجلسها ( بنات عيال رجال كبار عجز حتى الشغاالات ).. ما تخلو من الحش..
مير ان اغلب العالم تحس ان لسانه يحكه الا بتحش.. واذا قضت استغفرت وقالت كفاره المجلس

الى هنا تمام ..

لكن فيه ناس الله لا يوريكم .. لا قضو من السوالف الحش العاديه ( اللي صارت حقيقه مع التبهير )
طلعو سالفه من مخهم .. وذا مشهورين بقوله " يقولون " تقلقلت حنوتس العدو

البلا ان ما تخلص السالفه الا وصايره مشكله ..

وناس واجد تطلقو وناس هه على جريف .. والسبب هالـ يقولون ..

::

::


رايحه السوق .. اذن لازم اكشخ !



ملاحظه كبر قريح :

(انا بهالفقره اتكلم عن البنات اللي ماتفرق هي رايحه سوق ولا رايحه عرس؟ )

ماافيه بنت بالعالم .. ماتحب تكون كشخه وذوق وكيوت وكلبو شي ..

على الاقل لا شافتس احد يقول ماشاء الله عليها

لكن مو معناه اننا نروح السوق وحنا جايبين عيدنا بدري ؟

<< طراه يوم شفت احلام صورتها بمجله زايرتن سوق المملكه من غير عبايه ولابسه جنز << ياكبرها عند ربي بسس

اول شي من الناحيه الدينيه انه حرام .. ومافيه خلاف عليه ..

بعدين مافيه شي ازين من انكتس تروحين السوق \ المستشفى .. الخ ..

وانتي مريّحه على الاخر .. لاكعب ولا ميك اب .. .. زين ما اروح بالشحاطات الاسنفج

انا اعرف بنت ما تطلع من بيتهم الا ولابسه كعب عشره سم .. مع انها اطول مني ..

ومستعده تمشي كيلواات ولا تشتكي وان رجعت البيت انواع المصايح

طيب وش اللي حادّتس ؟ هع

::

::


الأســــــــــئله :

-هل انتي من النوع اللي ما يطلع من البيت الا وهو كااشخ على سنقه عشره ؟ }
اقصد مشاوير عاديه \سوق – بقاله – طبيب ..الخ { وليه ؟

-هل تأيدين اذا طلعتي السوق مع صديقاتك \ قريباتك او اجتمعتي معهن برا ] سوق \ كافيه [ انك تكشخين ؟
او تكتفين بأنك تكونين مرتبه وبسيطه بدون أي شي ثاني ؟

-هل تجلسين في اماكن مقفله( بارتيشن) ام تفضلين المكشوفه وليش؟؟ ( هالسؤال للبنات والرجال بعد )


::

::

سامحوني على كثرة سوالفي

انتظرمشاركة الجميع


شمـــــــــــــوخ