قمت بالواجب ووفيت. مامن قصور=شلت حمل ثقيل يتعب الكاهلي
كنت فاهم ومتفاهم بكل الامور=وكنت وافي ولا انت بشخص متحايلي
نعرف انك على كسب المراجل غيور=والامانه على العاتق لها شايلي
كنت نعم الخوي والمؤتمن مايبور=ميزة بك وفي من شبرهم طايلي
طول خدمتك وثقوا بك ولاة الامور=وارفعوا مستواك ورايهم عادلي
ومن غلاك اجتمعنا كلنا يالحضور=حن مودين بالجّيه وتستاهلي
في معية ابو سلطان وافي الشبور=حاضرين اجتماع مابه مجاملي
مارضينا ولاكن الليالي تدور=حكمة الله وهو في حكمته كاملي
الله يجعل حياتك يابو مرجي سرور=ياعسا الخير والتوفيق متواصلي
لانك خيّر ودرب الخيّر يزيد نور=دايم يكون دربه بالشرف حافلي
واختم القول بالكادي وباغلى العطور=ياجزاء مرجي بن الغانم الوايلي
حاول تزورنا لو ماقدرنا نزور=ودنا نسمعك لو عبر موبايلي
21/05/07, (11:39 AM)
جزاء مرجي
العرض الشجري