شوق وعمتها مي .. بندر البجيدي !!

[بندر البجيدي]

السلام عليكم ورحمه الله وبركاته

اليكم هذه المتواضعه ..

ياشوق حبك شي ومقابلك شي=وأغلى من الشيئين عندي عيونك
اليا نظرتي دنيتي تنقلب ضي=من عقب ماهي مظلمه دوم دونك
بعدك شقاوة وأقترابك لي الفي=ودي بعطفك والمصيبة جنونك
لاتتركين النكادة والغثى بي=وأنا أحبك خايفٍ يبعدونك
حبي تجاهك مثل ماتعشقي مي=اللي قبل عرفي هي اللي تعونك
يامن غرامك طاوي الحال بي طي=تلعبّي الذكرى في معمعة كونك
كتبت لك من روعة الدلعنة في=أحلى كلام الحب وتسمعه أذونك
وانا لك الله خطوتي زي ماهي=قلبي لقلبك حالفٍ مااخونك
اشوف موتي في عيونك وانا حي=دخيل ربك ارحمي من يصونك
والحاسدين الكثـّر أغلبهم العي=الناقصين اللي احسدوني يبونك
حتى الكلام اللي يجي بسيرتك سي=اعلم بأنه قصدهم يظلمونك
ملاك بعيوني واليا زادوا شوي=يكبر غلاك اللي دمرني شجونك
لا لا تقطعي عن زهر حبنا المي=أخاف يذبل والسبايب ظنونك
وختامها قد قيل آخر دواء الكي=وأنا دوايا هيّ هطلة مزونك

بندر البجيدي