الطيب

[سالم صالح]

في البداية احب ان اطرح موضوع بسيط وهو النقد المحمود وخصوصا في الشعر وهو ان تنقد القصيدة من اناس ملمين في هذا الطرح وثانيا ان توضح معالم القوة والضعف في القصيدة حتى يخرج لنا جيل جيد من الشعراء من دون ان تمدح القصيدة فقط دون ابداء وجهة النظر ---------- وشكرا

وامامكم هذه القصيدة المتواضعة التي تستقبل اي نقد من اي شخص --وهي موجهه لكل شخص يقتصر الطيب على فئة معينة او مجموعة معينة

الوايلي بالشعر يعطيك الابيات=خذها تجيك من الفكرصافي البوح
هذا كلامي واحفظ الهرج مامات=والعلم ياصل للبشر نور له ضوح
الطيب ماهو ملك حدود وعلامات=وماهو بعيرٍ تاسمه وسم وتروح
الطيب بحرٍ فيه غوص وملذات=ناسٍ كثيرة تبغى للصيد والشوح
احدٍ يصيد وصيده بالفعل جزلات=واحدٍ يروح ويرجع الوجه مكلوح
واحدٍ يصيد وصيده فيها الصغيرات=امقسمة بين البشر صحِ وصحوح
هذاوترى بالطيب جزمة وغارات=قولٍ صحيح وهاكم العلم بوضوح
شف لي ترى للحر فعلٍ وهقوات=صيده يجيك من الجزل فعل ممدوح
شف منزله بالقدر عال الطويلات=يهومه اللي للفعل دوم مشفوح
والوكرى له بالفعل صيحة وجولات=ماهو ردي بالصيد فاعل ومربوح
الطيب ساس ومنبع الساس هامات=ذيك العطور الطيبة ريحٍ تفوح
والطيب صعب وفيه امواجٍ قويات=صعبٍ على اللي ماله قلاع وصروح
مايقدره ياكود رجال الصعيبات=هاك الدروب تجيك ِ في طلعت الروح
وكلٍ على المقدور يجيب المنيفات=فعل الرجال اللي لهم صيةٍ وفوح
افعل وتلقى بعالم العلم صفحات=وخل الردى رجاله اليوم مذبوح
هذا وتلقى عندِ رب السماوات=ذكرٍ جليل وكلِ مكتوبٍ بلوح
وانشد بطيبك دوم عال المقامات=والطيب بيت ودوم هالبيت مفتوح
وسلام مني للي يدور سيادات=هذا كلامي وجاكم القول مشروح

اخوكـــــــــــــــــــــــــــــــــم / ســـــــــــــالـــــــــــم