السلام عليكم ورحمة الله وبركاته
جديدي لكم ^__^
يقول ابوي اللي مايكتب في مليكه ولا في وطنه مايستحق لقب شاعر وانا اصلاً من زمان
ودّي اكتب في بابا عبدالله من يوم شفت دموعه والله العظيم احس شي في داخلي يبي يعبّر
بس مو قادره
المهم
استلمواااااا
سلام ازكى من العنبر وريح المسك والكادي=سلامٍ يامليك القلب سلامٍ يازعيم الدار
سلامٍ يامليكٍ صار حبّه ساكن افوادي= غلاته من غلا الوالد ابوي الصارم البتّار
مليكي خادم البيتين غلاته شي مو عادي=حليمٍ ,حازمٍ ,نادر وخيره وافرٍ مدرار
وخيره مثل غيثٍ هلّ مزنه وارعد رعادي=مليكي حاكمٍ عادل تحلّى بكم صفات اكثار
ولو احسب الى بكره أظن اتعدى الاعدادي=لأنه غاليٍ عندي وله في خافقي مقدار
ابونا حاكم الدوله حماه الواقي الهادي=ابو متعب حبيب الشعب وفي شعبه عطوفٍ بار
تروح اعمارنا فدوة ثراك ومعها الاجسادي=نموت ونرخص الارواح لشيخٍ قايدٍ مغوار
انا لي الفخر والله اذا قالوا وش بلادي؟!=اجاوبهم بكل اشموخ سعوديه بلاد احرار
ختام ابياتي ارسل لك مثل ماجاك في البادي=سلامٍ وافيٍ كافي سلامٍ والتحايا اكبار
وسلامتكم ....
تحيتي لكم / مشاعر حالمه _عزوة ابوها
11/02/07, (04:27 PM)
,’,’,سلامٍ يامليكٍ صار حبّه ساكن افوادي,’,’,’
العرض الشجري