عنك..خلّه..عنك..خلّه..عنك..خلّه..؟

[صالح الضويحي]

عاد عيدكم وكل عام وأنتم بخير

جـلّ شـأن اللـي سجدنـا تحـت ظلّـه=خالـق المخـلـوق عــلاّم السـرايـر
بيـن كـاف ونـون كـان الكـون كلّـه=الحقـايـق.. والنقـايـض.. والنظـايـر
بأسـمـه أبــدأ والمسـافـة مسفهـلّـه=للمعاطـيـش الصعيـبـات ..الحـرايـر
وابتـدي معـنـى كـلامـي واستهـلّـه=يـوم لاح لبـارق الوسـمـي بشـايـر
القصيـد اليـا احتشـد بالجـاش جـلّـه=منهـلٍ ماقيـل صافـي مــاه غـايـر
مايصافـح غيـر صـدرٍ مخلصـن لّـه=احتـوى جمـرة جحيـمـه والسعـايـر
لايقـن فـي طيـب مـن طيبـه اجبلّـه=وبالمـواقـف مـارفـع مقـدار..بـايـر
ومـن حـداه الـلال بـالأرض المزلّـه=وأقتـدى بأفكـار غـاديـن البصـايـر
أن سمعته قـال: قلـت: الفـرض صلّـه=وأستمــع لأحـكـام صافـيـن الضمـايـر
وغيرها ما اصغيت سمعـي منصتـن لّـه=مثـل هـذا كلمتـه تصـبـح جـرايـر
والكـلام الياحضـر فـي وقـت حـلّـه=لا امجامـل فيـه حــي..ولا امسـايـر
من حصـد مـن زرع غيـره وأستغلّـه=عـن مقابيـل الخوافـي لــه نـذايـر
ما صفى الماء.. وأن صفى الماء قلت: علّه=أرتشـف لابـد يـاقـع كــل طـايـر
ياخفوقـي تـلّ حـبـل الـقـاف تـلّـه=القريـحـة جــت روافدها..غـزايـر
عنـك خلّه..عنـك خلّه..عـنـك خـلّـه=لايجـي لأسمـه خطـوط.. ولا دوايــر
ذكـرك أسمـه وألتفاتـك لــه مـذلّـه=أختصـر واضـرب مثـل بـأم العبايـر
والكريـم اللـي مقـامـه شـاهـد لّــه=لو حكوا به فـي طريـق المجـد سايـر
ينتهـي شــرح الـكـلام الياوصـلّـه=كـان قالـوا مـن لهـا؟ والـدم فـايـر
مايحيـد الحـر عــن مـبـداه لـلّـه=لاثنـى بالعلـم يرضـي كــل زايــر
والله ان العقـد لــو يصـعـب يحـلّـه=كـان هيفـاء طوّحـت لـه بالظفـايـر
فـي سمـاه الرحـب للنـفـس المغـلّـه=كسـر بأس..وكـف ترهيب..وعـزايـر
لـو تجـاوز بالتسـامـح كــل زلّــه=يعـرف الاربــاح فيـهـا والخسـايـر
وكـل بـاب ولـه جـوابٍ لايقـن لّــه=مانشدنـا وش يصيـر وكـان صـايـر
والوفـاء مـاجـود والطـيـب بمحـلّـه=تــاج رؤسٍ ماتزعـزهـا الصغـايـر
مـن وقـف وأهـل المواقـف مسنـدلّـه=ماتزعـزع لـو كتـام الـعـج ثـايـر
والــردي لابــد يـوريـك الممـلّـه=صحبتـه مـن جملـة السبـع الكبـايـر