فخامة الرئيس حسني مبارك .. يحفظ جزء عما وينسى تبارك

[شمــــــــوخ]

السلام عليكم ...



الشاعر : ياسر التويجري شاعر غني عن التعريف ومعروف بقصائده الرائعه والقويه

أحيا أمسية شعريه لــ الطلبة السعوديين في العاصمة المصريه القاهره ..

ويقال أن هذه القصيدة سببت له مشاكل هناك ..

أترككم مع القصيــــــــــــده

7

7

7

للأستمــــــــــــاع للقصيدة هنا


بكتب لكم شوي من القصيده

البارحه في يوم عشره يناير =ثارت على الراس المحمد كواير
حاولت اغير في الزمان المغاير =ولا حصل لي شي غير اللذي صار
الله يعزتس يا قضيه فلسطين =من اربعين ثنين سبعه الين ستين
ومن اول سويم بكره وبعدين =لولاتس تسآن تضيع نشرات الاخبار
حنا عرب نعم عرب يا أوربا =ما عندنا الا جبن ولا مربا
الشخص منا لا تبين تغبا =وهذي سياسه للهدو قبل الاعصار
سيوفنا وقت الملاقا شطيره =يعني على ما قيل مثل الشطيره
وهذا دليل مع نقاء السريره =والله يجيب الخير وتطيح الامطار
سلاام يا بوش الابن يالمفدا =ياللي على كل المبادي يتعدا
الطيب لو انه عند ربعي تردى =وقدامنا جنه وقدامنا نار
يا كوندليزا رايس اهلن وسهلين =يا ام الجمال اللي يهز السلاطين
غنجتس ذبح له فوق خمست ملايين =هذي ضحايا والضحايا بتس كثار
فخامه الرئيس حسني مبارك =يحفظ جزء عما وينسى تبارك
واكبر دليل انه يقود المعارك =مواقف لا جات حزات الاخطار

خلاص عاد طفشت اكتب اللي يقوله انتم اسمعوا


بس هذي رهيبه

سبيس تون ان كان بالناس حيره =افضل بواجد من قناة الجزيره
تضحك الورعان بوقت الظهيره =وهذي تبكينا اليا جت الاخبار

.

أتمنى تعجبكم .

.


شمــــــــــوخ