تقول كيف الحال

[طيف القصيد]

تقول كيف الحال ياشوق وشفيك
مرت علينا يام وين انت ونـــــــى
كانك مريض جعل الاسقام تخطيك
وياجعل عينك بالرقاد تهنــــــــى
وان كان قلبك سالي وش مواريك
ويش الذي سلاك يازين عنـــــــى
هلا هلا بك عد ممشى خطاويك
وعداد مارفرف حمام وغنـــــــى
ياحي منطوق جرى بين اشافيك
مثل البرد يثلج فؤاد المعنـــــــــى
سالتني والحال ماهوب خافيك
كله على حطة يدك ماتونــــــى
الوقت يمضي بين هرج وتسليك
كل العجايب تنتعش في زمنـــــــى
لاصرت طيب حيل كلن طمع فيك
اليــــــــن تقضي حاجته ويتهنـــــــــى
ولاصار عندك مال كلن هقى فيك
وكلن يحبك لو لوعليه اتجنـــــــــى
ولاحتجتهم كلن بدربه يعديـــــك
ومالدفي عينه ولا القلب حنــــــــى
لاكن ترفع واعتزي في مباديك
ولاتحني الهامه وراسك تدنـــــــــى
لغير ربـــــــ مايخيب رجاويك
خل الدموع لرحمته يرتجنـــــــــــى

وسلاااااامتـــــــــكـــــــم