ثلاث مرثيات بصالح سليمان الشامخ العواجي الله يرحمه

[سراب نجد]

ثلاث مرثيات بالمرحوم أنشا الله تعالى .
-----------------------------------
ألأخ/ صالح سليمان الشامخ العواجي:
الذي وافته المنيه قبل رمضان بثلاث أيام على أثر مرض عانا نه كثيراً رحمةالله عليه
والمرثيات وصلني عن طريق واحد صديق طلب عدم ذكر أسمه

الأولى(1) قالها : يحيا بن خليفه الرشدان...

يا الله يا منشي هماليل ورعود
مزناً من الغربي ترادم أخياله

تفرج لقلباً من عراويه مشدود
بسباب من هو شد وأقفت أرحاله

أقفت أضعونه والصبح العلم ماكود
وبدى العزاء جعل العوض في اعياله

وهلت أدموع العين والحزن مقصود
ولحـزن خـيـم بالـبـيـوت ولفالـه

لن القدر مكتوب والحبل معقود
ولا يفيد يا لف الرشاء بالمحاله

أنشهد أنه راح غالي ومفقود
والنفس تذهب حين ياتي زواله

وهذا طريق الحق والعمر محدود
ومرحوم ياراع الوفاء والجماله

ياكاسب الطولات يامدرك الزود
يراعي السمته عريب الأصاله

قبلك وأنا ملهود وفراقك الهود
وصبراً على الفرقاء صعيب أحتماله

مار أطلب الله سامك العرش معبود
ايثبت المنشود لحظة سواله

ويدخلكم الجنه رياحين وورود
ويجعل لكم مكان قدر وجلاله

في رحمة الرحمن جنات وخلود
والنهار تجري عن يمين وشماله

وصلاة ربي عد ما هبت النود
على رسول ٍ مرسلاً بالرساله

(يحيا بن خليفه الرشدان )
---------------------------

والثانيه (2) قالها : سويلم مريبد الجعفري العنزي....

بديت بسم الله قبل أبدع القاف
وأساله عفوه قبل يوم الهوايل

والأدمي لو عاش قافيه الأتلاف
لابد ماجسمه عن الأرض زايل

جاني خبر قبل أمس والدمع ذراف
والدمع من عيني على الخد سايل

مرحوم ياللي بالوفاء ماله أوصاف
يشهد له فعله بالسنين الأوايل

فاهم ومتعلم وطيب وعراف
وياكثر ماسوى لنا من جمايل

من ميزته في ساعة الضيق ماخاف
يناصر المضلوم ويضد عايل

يالله عسى الجنه له فراش ولحاف
وأنك تحفظه من جميع الوسايل

واحفظ لنا بدر وبندر ونواف
وأخوانهم أها الكرم والفعايل

(سويلم مريبد الجعفري العنزي)
-----------------------------

والثالثه (3) قالها : جاره متعب مضيان الخمعلي العنزي....

مرحوم ياللي ميزته شبة النار
ومن ضاق صدره من الملاء يدهلونه

أنشهد أن صالح من الخسارات وأخيار
وا للي قعدوا في مجلسه يفقدونه

يالله عسى ملفاه جنات وأنهار
وأيجاوب اللي بالقبر يسألونه

ومن ميزة الرجال ما هو بثرثار
وأثقل من الحديد لو يازنونه

لو خساره حثية الرمل وغبار
عليك ياللي بالقبر يدفنونه

أبو بدر ريف المسايير والجار
قليل وصفه ياعرب لو تاصفونه

ويالله عسى يبقون بعاثة الدار
أو لاده اللي بالطبع يشبهونه

وبعض البشر لوهم بالملايين تجار
عل ى الفلس رصيدهم يجمعونه

ولا مثل صالح فقيده على المار
واللي يعرفونه بالوفاء يذكرونه

(جاره متعب مضيان الخمعلي العنزي)

والمعذره كان صار فيها أخطاء