ماقلت لك : قلبي متاهـات وأسـرار
لو تسكنه بتضيع في وسـط خافيـه
ماقلت لك : إني أنا مثـل الأحـرار
ماحب أقيّد شخص وأرحـل وأخلّيـه
ماقلت لك ياشمعـةٍ ضـوّت الـدار
ماحب أشوف الضو وأرجـع أطفّيـه
انتا كما الشمعـه تداريـك الأسـوار
وأنا الهبوب البـارده مـن حواليـه
أنتا كما الضحكه على شفات الاصغار
وأنا الدموع _وضيقة البال_ والتيـه
خل الهموم اللي بصدري كما النـار
وإرحل وخذ قلبـك بليـا مشاريـه
تكفيني جـروح الليالـي والأقـدار
لو جيت أشبّهلك تضيـع التشابيـه
صمتي غريب وفيه العقـول تحتـار
ولو زاد دمعي اعرف شلون أداريـه
عندي هواية فلسفـة نـاس شطـار
تعرف تفـر عقـول عذالهـا فيـه
وياكثرهم حبو وفـي حبهـم صـار
أشيا كثيـره _ ذكرهـا مالنـا فيـه
ماتسمع أصوات الوجع تجهر إجهار
ماحصّلو غيـر الألـم مـن بلاويـه
لوني سلكت دروبهـم جـد بنهـار
مالي ومال الحب _ماقـدر أجاريـه
أنا كذا لـو كانـت همومـي إكثـار
ماحب أعيش الحب وأسهـر لياليـه
دامي بقلبـك لـي معـزه ومقـدار
أكيد تقبل عذري أن جيـت أبحكيـه
عشت بزمانـي ياولـد كـل الأدوار
إلا الحبيبه دورهـا صعـب أسويـه
برحل وشعري خلّـه اليـوم تذكـار
برحل ولا تسأل متى؟ برحل وليـه؟
قلبك معـك /لا لا/ تنـادي وتحتـار
وقلبي معايه من شقا الوقت بحميـه
’’منقوووول’’
20/07/11, (02:50 PM)
ماحب أعيش الحب وأسهـر لياليـه
العرض الشجري