ماهي بحبة خشم والا رضاوه = وماهي بحبة راس والا خوه
الراس لا قاواك روح وقاوه= واللي يسوي فيك مثله سوه
كانه يبي يغويك روح وغاوه= ترا الغوى يغويه لكن غووه
الجاوي اللي ما يروح لجاوه= ان راق جوه لا تعكر جوه
لو يتسم بالطهر والنقاوه=تلقا خفوقه بالنفاق مشوه
ولويتسم بالعقل والهداوه= تلقاه في بعض الامور مفوه
لا تصير بك يا صاحبي رخاوه =تضيع ما بين السوي ولسوه
واللي تحس بقلبه الجفاوه= ان كان جافيته يزيد علوه
اليا تعب بالحب روح وداوه=واليا ضما من جم نبعك روه
تكسب جميل وطيبه وعلاوه = وعدوك ان عاداك يطفي ضوه
ما بين ضيق الصدر والرهاوه=بعض الوجيه اللي تشوف اْمْوه
بعض البشر تغريه في بقلاوه= وبعض البشر ما تملكة بالقوه
لا يا كلون بعقلك الحلاوة = لو شفت بعض اوجيههم محلوه
العظم تهاوش عليه قطاوه= والمجد يبغى له رجال وقوه
15/07/11, (03:22 AM)
بعض العرب تغريه في بقلاوه
العرض الشجري