تزعل وأراضيك وأتلذذ بتزعيلك
تبي الصراحة انا مجنون زعلاتك
لاقمت تبعد وأنا اقرب وأدنيلك
وأمسك طرف غترتي وأمش دمعاتك
وتبدي تعاتب وأنا كلي انتباهيلك
مانيب يمك انا عيني على شفاتك
وتعيد حكيك وتفرك حيل منديلك
وتخالطت صادق حروفك بوناتك
واحاول اراضيك مادري منين ابديلك
وأحتار واذكرك في بعض زلاتك
واسمعك ماكتبته بك واغنيلك
طاروقك اللي تحبة واكسر سكاتك
واستسمحك واعذرك واسمعك واشكيلك
واتلهف لبسمتك وارد ضحكاتك
يسرقني الوقت ولا يمديني احكيلك
كلامي اللي تحفظتة لشوفاتك
وقت الوعد فات وعيوني تراعيلك
واقفيت واشغلت قلبي بلتفاتاتك
عيني على خطوتك والقلب يدعيلك
الله يحفظك من الحاسد وشماتك
تزعل واراضيك واتلذذ بتزعيلك
تبي الصراحه انا اعشق كل حالاتك..
للشاعر : حمد السعيد
05/07/11, (06:44 AM)
تزعل واراضيك
العرض الشجري