لحظه..!

[العنود الشيباني]

نزف جديد
للتواصل معكم
علّه يرتقي الى ذائقتكم احبتي

لحظه ..لحظه لاتعجّل بالخِطا =ودّي أفهم ليه عن كوني تغيب
كم عطيتك صح ماجاك الخطا=والمشاعر مالها غيرك حبيب
غيرك اليا راح مرواح القطا=ماله بـْقربي بعد بُعدك نصيب
لاتجاهلّني ترى مابه غطا = يسترك عني وانا قلبي صويب
كل مافيني بذلته لك عطا = قبل ماتطلب عيوني لك تجيب
لك جواد الروح بالجوف امتطا = صهوة أحساسي على الاصل العريب
جار هجرك جار بالحال و سطا = يافراق ٍ ماتصورته قريب
الحزن حلّ وتمسكن ..بي وطا = هتّك أستار العواطف بالنحيب

جنائن من الورد لكل عابر
عذب التحايا للجميع