ياليتني ماخذيت لهـل العـرب مسيـار

[فواز الجعفري]

بسم الله الرحمن الرحيم

قصيدة من الارشيف حبيت انقلها لكم وأن تحوز على ذائقتكم الشعرية

لشاعر المبدع / عبدالواحد بن غريب العنزي ( النجادي )

ياغلطة العمر مالك با الزمـن تكـرار
أعاهـد النفـس غلطاتـي ماكررهـا

أعطيت روحي بروحي في خطاها انذار
ولامن تكرر خطاهـا مقـدر اعذرهـا

ياليتني ماخذيت لهـل العـرب مسيـار
ناسن تسـوّد وجيـه اللـي يقاصرهـا

كنت احسبني نزلت ابمنـزل الاحـرار
قومن بتـال الزمـن ترفـع منابرهـا

والبيت لاصـار مالـه قاعـده ينهـار
مهما ارتفع ابسـط الهـزات يدمرهـا

ياامهارنا يا الاصايل هقوتـي ياامهـار
صلف الصفى صاح من طقة محافرهـا

اللي عليكن عزيـز ولا يجيـب العـار
خيـال يرهـب عـداه وثـم يقهرهـا

مهما يدور الزمن مـن داخـل الـدوار
النقـطـه الأولــه لازم يـقـدرهـا

وياصاحب الطبل طبّل وانفخ المزمـار
نـاد الشياطيـن بلسانـك وحضّرهـا

أحترامي