يروح زين العابدين ويجي زين
من طلعة الدنيا وذي .. فلسفتها
**
ويروح حسني ونتناسى فلسطين
ونتوه بالدنيا .. وفي معمعتها
**
سوالف ٍ واجد وصارت عناوين
وتكفيك عن بعض العلوم .. ثمرتها
**
حطوك يالسجّان وسط ..المساجين
وتحوس بالديره عقول ٍ .. بنتها
**
هالواقع القاسي نعيشه .. من سنين
وعيوننا أطراف الصديق .. أطرفتها
**
نمشي ولا ندري نوجّه .. على وين
اركابنا دروب الزمن .. ضيعتها
**
كنّا على ارقاب العوالي .. سلاطين
واليوم رايات النصر .. نكستها
**
تقلبت معنا ..جميع ..الموازين
واحوالنا ..ظروف الحياة ..اقلبتها
**
تنفث على الصااحي جماعة .. مجاانين
واهل العقول عقولها .. جننتها
**
قالوا سعيد .. ويلتقي ..في سعيدين
وين السعادة والعرب .. كفنتها
**
أقول .. كفي يادمووعي عن العين
كم لي هنا وانتي كذا .. مشقيتها
**
يروح شين العابدين ويجي ... شين
من طلعة الدنيا وذي .. فلسفتها
//
تركي فلاح
14/02/11, (08:22 PM)
فلسفة حياة
العرض الشجري