((مــــــــــــوتٍ جمـــــاعي))
من قالوا نك خنتني وماتبيني=وفضحت سري وانكشف كل خافيك
عجزت اصدق والحزن يعتليني= ساعات اجي ضدك وساعه محاميك
جلست مع نفسي اراجع سنيني=واسترجع اللي غرني بك وشاريك
وعرفتهن من بعد فكرنٍ حزيني=حواسي اللي لك رمني لشاطيك
وقررت احاكمهن بشده واديني=واصدرت حكمي يوم خاب الرجا فيك
بصدر قراراتي على أذني وعيني=واعاقب أذنٍ تستمع لك وترجيك
تسمع كلامك تحسب انك ضنيني=عيت تصدق كل ماقيل لي فيك
وعينٍ عيوبك في نظره تزيني=تغريها البسمه وتجهل بماضيك
واللسانٍ ابدالك اسرار السنيني=ياخذ معك بالحكي دايم ويعطيك
ويدٍ تصافحكم بحب وحنيني =دايم وهي مشتاقه لضم أياديك
ورجلٍ لدربك دايمٍ تهتويني=تمشي دروبك بالمحبه وتتليك
وقلبٍ غدابه حبكم محتويني= مع كل نبضه في عروقه يناديك
اعقابهن فرقا ونار الحنيني=عذابهن لاقلت انا اليوم ناسيك
يموت قلبٍ في حشايه دفيني=وكل الحواس اتموت لابعدت طاريك
هذي نهاية قصتي والونيني=موت جماعي فيه ما اقبل تعازيك
23/08/10, (10:12 PM)
((مــــــــــــوتٍ جمـــــاعي))
العرض الشجري